ଘର ତିଆରି କରିବାକୁ କେନ୍ଦ୍ରକରି ୨ ସର୍ମ୍ପକୀୟ ଭାଇ ହାତାହାତି : ଆକ୍ରମଣ ଓ ପ୍ରତିଆକ୍ରମଣରେ ୩ ଆହତ, ୩ ଗିରଫ

ହିଞ୍ଜିଳିକାଟୁ : ଘର ତିଆରି କରିବାକୁ କେନ୍ଦ୍ରକରି ୨ ସର୍ମ୍ପକୀୟ ଭାଇଙ୍କ ମଧ୍ୟରେ ଆକ୍ରମଣ ଓ ପ୍ରତିଆକ୍ରମଣ ଘଟିଛି । ଏଭଳି ଏକ ଘଟଣା ବୁଧବାର ହିଞ୍ଜିଳି ଥାନା କୋଳିଦାସପୁର ଗ୍ରାମରେ ଘଟିଛି । ଆକ୍ରମଣ ଓ ପ୍ରତିଆକ୍ରମଣରେ ୩ ଜଣ ଆହତ ହୋଇଛନ୍ତି । ଆହତ ମାନେ ହେଲେ କୋଳିଦାସପୁର ଗ୍ରାମର ରଞ୍ଜନ ରାଉତ, ବଂଶୀଧର ରାଉତ ଓ ତାଙ୍କ ପୁଅ କୃଷ୍ଣ ରାଉତ । ଘଟଣା ନେଇ ଉଭୟ ଗୋଷ୍ଠୀ ପକ୍ଷରୁ ହିଞ୍ଜିଳି ଥାନାରେ ଲିଖିତ ଅଭିଯୋଗ ହୋଇଛି । ଅଭିଯୋଗ ଭିତ୍ତିରେ ହିଞ୍ଜିଳି ଥାନାରେ କେସ ନଂ- ୯୧୧/୨୪ ଓ ୯୧୨/୨୪ରେ ୨ଟି ପୃଥକ ମାମଲା ରୁଜୁ ହୋଇଛି । ପୁଲିସ ଘଟଣାର ତଦନ୍ତ କରି ଉଭୟ ଗୋଷ୍ଠୀର ୩ ଜଣଙ୍କୁ ଗିରଫ କରିଛି । ଗିରଫ ମାନେ ହେଲେ ହିଞ୍ଜିଳି ଥାନା କୋଳିଦାସପୁର ଗ୍ରାମର ରଞ୍ଜନ ରାଉତ, ବଂଶୀଧର ରାଉତ ଓ ତାଙ୍କ ପୁଅ କୃଷ୍ଣ ରାଉତ । କୋଳିଦାସପୁର ଗ୍ରାମର ରଞ୍ଜନ ରାଉତ, ବଂଶୀଧର ରାଉତ ଓ ତାଙ୍କ ପୁଅ କୃଷ୍ଣ ରାଉତ । ଗିରଫ ସମସ୍ତଙ୍କୁ ବୁଧବାର କୋର୍ଟ ଚାଲାଣ କରାଯାଇଥିବା ତଦନ୍ତକାରୀ ଅଧିକାରୀ ତଥା ଥାନା ଏସଆଇ ସୁନିଳ କଣ୍ଡାଗୋରିଙ୍କ ସୂତ୍ରରୁ ପ୍ରକାଶ ।
ପ୍ରକାଶ ଯେ, ହିଞ୍ଜିଳି ଥାନା କୋଳିଦାସପୁର ଗ୍ରାମର ୨ ସର୍ମ୍ପକୀୟ ଭାଇ ଜମିବାଡିକୁ କେନ୍ଦ୍ର କରି ପୂର୍ବରୁ ଉଭୟଙ୍କ ମଧ୍ୟରେ କଳହ ଲାଗି ରହିଥିଲା । ଗତ ପ୍ରାୟ ୧ ମାସ ପୂର୍ବେ ଜମି ଚିହ୍ନଟ ଓ ମାପଚୁପ ସକାଶେ ଡିମାକ୍ରେସନ କରିଥିଲେ । ପୁରୁଷୋତ୍ତମପୁର ତହସିଲ ପାଣ୍ଡିଆ ରାଜସ୍ୱ ନିରୀକ୍ଷକ ଗତ କିଛି ଦିନ ପୂର୍ବେ ଜମି ମାପଚୁପ କରିବା ସହ ସ୍ଥାନିତ କରି ଫେରିଥିଲେ । ବୁଧବାର ୨ ସର୍ମ୍ପକୀୟ ଭାଇ ସଂପୃକ୍ତ ସ୍ଥାନରେ ଘର ତିଆରି କରୁଥିବା ବେଳେ ସାମାନ୍ୟ କଥାକୁ କେନ୍ଦ୍ର କରି ଉଭୟଙ୍କ ମଧ୍ୟରେ କଳହ ଲାଗିଥିଲା । ପରେ ଉତ୍ୟକ୍ତ ହୋଇ ରଞ୍ଜନ, କୃଷ୍ଣ ଓ ବଂଶୀଧର ଲୁହାରଡି, କୋଡି ଓ ଶାବଳରେ ଉଭୟେ ଉଭୟଙ୍କୁ ଆକ୍ରମଣ ଓ ପ୍ରତି ଆକ୍ରମଣ କରିଥିଲେ । ବଂଶୀଙ୍କ ଅଭିଯୋଗ ପ୍ରକାରେ ହିଞ୍ଜିଳି ଥାନାରେ କେସ ନଂ- ୯୧୧/୨୪ ଓ ରଞ୍ଜନଙ୍କ ସ୍ତ୍ରୀ ଝୁନୁ ରାଉତଙ୍କ ଅଭିଯୋଗ କ୍ରମେ ହିଞ୍ଜିଳି ଥାନାରେ ୯୧୨/୨୪ରେ ଏକ ମାମଲା ରୁଜୁ ହୋଇଛି ।