ମାଲକାନଗିରି, ୧୭।୭ : ନାଗ ସାପ ଫଣାରେ ଦେଖା ଗଲା ପ୍ରଭୁ ଜଗନ୍ନାଥଙ୍କ ନୟନ, ବିରଳ ସାପକୁ ଦେଖିବାକୁ ଭିଡ ଜମାଇଲେ ସହ ସହ ଲୋକେ । କିଛି ଏପରି ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା ସଦର ମହକୁମାସ୍ଥିତ କୁମୁଟିଗୁଡା ସାହିରେ । ସାହିରେ ରହୁଥିବା ଆଇନଜୀବୀ ରାମ ପ୍ରସାଦ ପଟନାୟକଙ୍କ ଘର ଲୋକେ ଘର ସମ୍ମୁଖରେ ଏହି ନାଗ ସାପକୁ ଦେଖିଥିଲେ ।
ତେବେ ସାପକୁ ଦେଖି ଯେତିକି ଭୟବିତ ହୋଇଥିଲେ ସେତିକି ଆଶ୍ଚର୍ଯ୍ୟ ମଧ୍ୟ ହୋଇପଡିଥିଲେ ଘର ଲୋକେ । ସାପ ଫଣାରେ ଜଗନ୍ନାଥଙ୍କ ନୟନ ଭଳି ଦୁଇଟି ଆଖି ଦେଖା ଯାଉଥିବେ ବେଳେ ଏପରି ସାପକୁ ସେମାନେ କେବେ ପୂର୍ବରୁ ଦେଖି ନଥିବା ପ୍ରକାଶ କରିଛନ୍ତି । ତେବେ ଏହି ସାପ ବିଷୟରେ ଖବର ପ୍ରକଟ ହେବା ପରେ ସମସ୍ତେ ଏହି ଚକାଆଖିଥିବା ସାପକୁ ଦେଖି ଏହାକୁ ଠାକୁରଙ୍କ ମହିମା କହି ଦେଖିବା ପାଇଁ ଭିଡ ଜମାଇଥିଲେ । ତେବେ ସାପ ଉଦ୍ଧାର କାରୀ ଦଳ ଏହି ସାପକୁ ଉଦ୍ଧାର କରି ଜଙ୍ଗଲରେ ଛାଡି ଦେଇଥିବା ଦେଖିବାକୁ ମିଳିଛି ।
