ଫୁଲବାଣୀ : କନ୍ଧମାଳ ଜିଲ୍ଲାର ବିଗତ ଦିନରେ ଅନୁଷ୍ଠିତ ହୋଇଥିବା ମ” ନାରାୟଣୀ ଠାକୁରାଣୀଙ୍କ ୨୬ ତମ ଯାତ୍ରାର ସମୀକ୍ଷା ବୈଠକ ଆଜି ସ୍ଥାନୀୟ ଗାନ୍ଧୀ ସ୍ମୃତି ଭବନ ଠାରେ ସଭାପତି ପି ସୁଧାଂଶୁ ସେନାପତିଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି l ଏହି ବୈଠକରେ ଯାତ୍ରା ପରିଚାଳନା କମିଟିର ଅଧ୍ୟକ୍ଷ ତଥା ଉପଜିଲ୍ଲାପାଳ ଚିତ୍ତ ରଞ୍ଜନ ମହାନ୍ତଙ୍କ କରକମଳରେ ଶୁଭାରମ୍ଭ ହୋଇଥିଲା l ପରେ ପରେ ଯାତ୍ରା କମିଟି ସମ୍ପାଦକ ଦୂର୍ଗା ପ୍ରସାଦ ତ୍ରିପାଠୀ ଅତିଥି ପରିଚୟ ପ୍ରଦାନ କରିଥିଲେ l
ଆଜିର ଏହି ସମୀକ୍ଷା ବୈଠକ ଅବସରରେ ଅର୍ଥ ସମ୍ପାଦକ କାବୁଲା ସେନାପତି ଯାତ୍ରାର ସମସ୍ତ ଆୟ ବ୍ୟୟ ଅଟକଳ ବିବରଣୀ ପାଠ କରିଥିଲେ l ଏଥି ସହିତ ଉପସଭାପତି ସୁଜିତ୍ କୁମାର ବେହେରା ଉପସ୍ଥିତ ସମସ୍ତ ସର୍ବସାଧାରଣଙ୍କୁ ଆୟ ବ୍ୟୟ ସମ୍ଵନ୍ଧୀୟ ବିବରଣୀ ବିଷୟରେ ଅଧିକ ସୂଚନା ଜାଣିବା ପାଇଁ ଯଦି କାହାର ଇଚ୍ଛା ତେବେ ସେମାନେ ଆଗାମୀ ୨୮, ୨୯ ଓ ୩୦ ତାରିଖରେ ସକାଳ ଏଗାରଟା ରୁ ଦିନ ଏକ ଘଣ୍ଟା ମଧ୍ୟରେ ମାଗୀ ପାରିବେ ବୋଲି ସୂଚନା ଦେଇଥିଲେ l ଏହି ଅବସରରେ ମାଙ୍କ ଯାତ୍ରା ଆଗମନ ଓ ବିଦାୟ ସମୟରେ ଖରୁଡା ସାମାଜ ର ଘଣ୍ଟବାଦ୍ୟ, ପୌର ପରିଷଦ କର୍ମଚାରୀ ଏବଂ ଚାନ୍ଦା ଆଦାୟ କରିବା ରେ ଦିର୍ଘ ଏକ ମାସ ଧରି ସହଯୋଗ କରିଥିବାରୁ ଅଧ୍ୟକ୍ଷଙ୍କ ଦ୍ଵାରା ସମ୍ବର୍ଦ୍ଧିତ କରାଯାଇଥିଲା l ଏହି ପରିପ୍ରେକ୍ଷୀରେ ଅଧ୍ୟକ୍ଷ ଶ୍ରୀ ମହାନ୍ତ ଯାତ୍ରା ପରିଚାଳନା କମିଟିକୁ ଭୂୟସୀ ପ୍ରଶଂସା କରିଥିଲେ l ସେ କହିଥିଲେ ଯେ ଚଳିତ ବର୍ଷ ନିର୍ବାଚନ ଥିବାରୁ ସେ ସମ୍ପୂର୍ଣ୍ଣ ସହଯୋଗ କରିନଥିଲେ ମଧ୍ଯ ପରୋକ୍ଷ ଓ ପ୍ରତ୍ୟକ୍ଷ ରେ ଯାତ୍ରା ବିଷୟରେ ସମସ୍ତ୍ ଖବର ଟିକି ନିଖି ରଖୁଥିବାର ପ୍ରକାଶ କରିଥିଲେ l ସେ କହିଲେ ଚଳିତ ବର୍ଷ ଶାନ୍ତି ଶୃଙ୍ଖଳାର ସହ ଯାତ୍ରା ଶେଷ ହୋଇଥିବାରୁ ପରିଚାଳନା କମିଟିକୁ ଧନ୍ଯବାଦ ଦେଇଥିଲେ l
