ଫୁଲବାଣୀ : ଫୁଲବାଣୀ ବ୍ଳକର ଅରବିନ୍ଦନଗର ଆଦର୍ଶ ଅଙ୍ଗନବାଡି କେନ୍ଦ୍ରରେ ଅଙ୍ଗନବାଡି କର୍ମୀ ବୈଜୟନ୍ତୀ କହଁରଙ୍କ ସଭାପତିତ୍ବରେ କୁନି କୁନି ପିଲାଙ୍କୁ ନେଇ ଶିଶୁ ଦିବସ ପାଳିତ ହୋଇଯାଇଛି l ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଆଇନଜୀବୀ ସତ୍ୟ ନାରାୟଣ ବେହେରା ଯୋଗଦେଇ ଶିଶୁ ମାନେ ଆମର ଭବିଷ୍ୟତ, ଶିଶୁ ହସିଲେ ସମଗ୍ର ସାମାଜ ହସିବ କହି ସୁନ୍ଦର ଗଲ୍ପ ମାଧ୍ୟମ ରେ ଶିଶୁ ଦିବସ ର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରିଥିଲେ l ସମ୍ମାନିତ ଅତିଥି ଭାବେ ରଶ୍ମି ପଟ୍ଟନାୟକ ଯୋଗ ଦେଇ ଚାଚା ନେହେରୁ ଙ୍କ ବିଷୟରେ ଆଲୋଚନା କରିଥିଲେ l ପରେ ମୁଖ୍ୟ ଅତିଥି ଙ୍କ ଦ୍ଵାରା ତିନି ଜଣ ଛାତ୍ର, ଛାତ୍ରୀଙ୍କୁ ସମାନ ଓଜନ ନିମନ୍ତେ ପୁରସ୍କୃତ କରାଯିବା ସହ ଛାତ୍ର ଛାତ୍ରୀଙ୍କୁ କଲମ, ଓ ମିଷ୍ଠାନ ବଣ୍ଟନ କରାଯାଇଥିଲା l
