ଉମରକୋଟ (୨୩/୧୧/୨୦୨୪) ନବରଙ୍ଗପୁର ଜ଼ିଲ୍ଲା,ଉମରକୋଟ ବ୍ଲକ ଅନ୍ତର୍ଗତ ବେହେଡା କ୍ଲଷ୍ଟରର ନବ ନିଯୁକ୍ତ କନିଷ୍ଠ ଶିକ୍ଷକ / ଶିକ୍ଷିକା ଙ୍କୁ ଆଞ୍ଚଳିକ ସାଧନ କେନ୍ଦ୍ର ତରଫରୁ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି l ଏହି ସ୍ୱାଗତ ସମ୍ବର୍ଦ୍ଧନା ସମାରୋହରେ ସି ଆର ସି ସି ବିଷ୍ଣୁ ପ୍ରସାଦ ସାହୁଙ୍କ ସଭାପତିତ୍ୱରେ ସରକାରୀ ପ୍ରାଥମିକ ବିଦ୍ୟାଳୟ, ଫୁଲଝରି ଠାରେ ଏକ ଭବ୍ୟ କାର୍ଯ୍ୟକ୍ରମର ଆୟୋଜନ କରାଯାଇଥିଲା l ସଞ୍ଜୟ କୁମାର ସାମଲ,ଫନିନ୍ଦ୍ର ଗାଇନ, ବିମଲ କୁମାର ବାରୋଇ, ଟୁଟୁବାବୁ ପଟ୍ଟନାୟକ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇ ମଞ୍ଚଟି ଆଲୋକିତ କରିଥିଲେ l ବିରଞ୍ଚି ସୁନାନୀ ସ୍ୱାଗତ ସମ୍ବର୍ଦ୍ଧନା ସମାରୋହରେ ସ୍କୁଲର କର୍ତ୍ତବ୍ୟା ବିଷୟରେ ନିଷ୍ଠାପର ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ l ତତ୍ପରେ ଆଗତ ନବାଗତ ଶିକ୍ଷକ, ଶିକ୍ଷିକା ଏମ ଏସ ଗୀତିମୟା, ନିବେଦିତା ସ୍ୱାଇଁ, ଅର୍ଚ୍ଚନା ପ୍ରିୟଦର୍ଶିନୀ ଲେଙ୍କା, ଲିଜା ଗୁଇଁ, ଦେବାଶିଷ ଗିରି, ରାକେଶ ରଞ୍ଜନ ପାଣି, ଶିବଶଙ୍କର ଦାସ ଙ୍କ ପରିଚୟ ପ୍ରଦାନ ସହ ସେମାନଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ମାନୀୟ ଅତିଥିବୃନ୍ଦ ସମ୍ବର୍ଦ୍ଧିତ କରିଥିଲେ l ସିଉନାଗୁଡ଼ା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ରତ୍ନାକର ଦାଶଙ୍କୁ ସି ଆର ସି ସି ବିଷ୍ଣୁ ପ୍ରସାଦ ସାହୁ ” ଆଦର୍ଶ ଶିକ୍ଷକ ” ଭାବେ ଉତ୍ତରୀୟ ଓ ମାନପତ୍ର ପ୍ରଦାନ କରିବା ସହ ସମ୍ବର୍ଦ୍ଧିତ କରିଥିଲେ l ଅନ୍ୟମାନଙ୍କ ମଧ୍ୟରେ ଧୀରଜ ମଣ୍ଡଳ, ସୁରେଶ ଚନ୍ଦ୍ର ପଣ୍ଡା, ପଦ୍ମାବତୀ ପରଜା, ରମେଶ ଚନ୍ଦ୍ର ଓଝା, ଘନେଶ୍ୱରୀ ସାଙ୍ଗନା, ଯଶୋବନ୍ତ ଦେ, ନୀଳକଣ୍ଠ ଚମ୍ପତି , ରତିରାମ ପୂଜାରୀ, ବିଶ୍ୱଜିତ ପଟ୍ଟନାୟକ, ଲକ୍ଷ୍ମଣ ଭତ୍ରା, ରାଇଧର ଭତ୍ରା, ସନ୍ତୋଷ ଜେନା, ତେଜେଶ୍ୱର ନାୟକ, ସନ୍ୟାସୀ ଗଣ୍ଡ ପ୍ରମୁଖ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ l ପରିଶେଷରେ, ବିରଞ୍ଚି ସୁନାନୀ ଆଗତ ସମସ୍ତଙ୍କ ଧନ୍ୟବାଦ ଅର୍ପଣ କରି ସ୍ୱାଗତ ସମ୍ୱର୍ଦ୍ଧନା ସମାରହଟି ସମାପ୍ତ କରିଥିଲେ। ( ଉମରକୋଟ ରୁ, ରସିକ ସରକାର )
