ଫୁଲବାଣୀ : ବିଜେଡ଼ିରେ ସାମିଲ୍ ହେଲେ କନ୍ଧମାଳ ଜିଲ୍ଲାର ବିଜେପି ନେତା ତଥା ପୂର୍ବତନ କାର୍ଯ୍ୟକାରିଣୀ ସଦସ୍ୟ ତଥା ସାମାଜିକ ସଂଗଠନ ଜାଗ୍ରତ କନ୍ଧମାଳ ଓଡିଶାର ପ୍ରତିଷ୍ଠାତା ଓ ସଧାରଣ ସମ୍ପାଦକ, ହିନ୍ଦ ମଜଦୁର ସଭା ଜିଲ୍ଲା ଆବାହକ, ନବୀନ ଖବର କାଗଜର ଜିଲ୍ଲା ପ୍ରତିନିଧି, ରାଜ ବିଶୋଇ ସାମାଜ କନ୍ଧମାଳ, ଦଳପତି ଖଣ୍ଡାୟତ ସାମାଜ କନ୍ଧମାଳ, ମା ମଙ୍ଗଳା ପୂଜାରୀ ଖଣ୍ଡାୟତ ସାମାଜ କନ୍ଧମାଳ, ଘାସି ସାମାଜ କନ୍ଧମାଳ, ବୈଦିକ ବୈଶ୍ୟ ସାମାଜ କନ୍ଧମାଳ,କନ୍ଧ ଗଉଡ ସେବା ସମିତି କନ୍ଧମାଳ, ଏକ୍ସ ଆର୍ମି ସଙ୍ଘ ଖଜୁରୀପଡ଼ା କନ୍ଧମାଳ ଜିଲ୍ଲାର ଉପଦେଷ୍ଟା ଲକ୍ଷ୍ମୀ ମନ୍ଦିର ପରିଚାଳନା କମିଟି ସଭାପତି ଆଇନଜିବୀ ସତ୍ୟ ନାରାୟଣ ବେହେରା ଙ୍କ ସହ ତାଙ୍କର ଅନୁଗାମୀ କର୍ମକର୍ତ୍ତା ବିଜେଡିରେ ଯୋଗ ଦେଇଛନ୍ତି l ଶଙ୍ଖ ଭବନରେ ଆୟୋଜିତ ମିଶ୍ରଣ ପର୍ବରେ ରାଜ୍ୟସଭା ସାଂସଦ ସସ୍ମିତ ପାତ୍ର, କନ୍ଧମାଳ ସାଂସଦ ଅଚ୍ୟୁତ ସାମନ୍ତ ଓ କନ୍ଧମାଳ ବିଜେଡି ପର୍ଯ୍ୟବେକ୍ଷକ ବିଜୟ ନାୟକଙ୍କ ଉପସ୍ଥିତିରେ ସେ ବିଜେଡିରେ ସାମିଲ ହୋଇଛନ୍ତି l ସତ୍ୟ ବେହେରାଙ୍କ ଯୋଗଦାନ ଫଳରେ କନ୍ଧମାଳରେ ଦଳୀୟ ସଂଗଠନ ଆହୁରି ମଜଭୂତ ହେବ ବୋଲି ନେତାମାନେ ଆଶାପ୍ରକଟ କରିଥିଲେ । ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକଙ୍କ ସ୍ବଚ୍ଛ ଶାସନ, ନିର୍ମଳ ଭାବମୂର୍ତ୍ତି ଓ ନୀତି ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ମିଶିଛନ୍ତି ବୋଲି ଶ୍ରୀ ବେହେରା କହିଥିଲେ lନିଜର ଶହ ଶହ ସମର୍ଥକଙ୍କ ସହ ଆଜି ଶଙ୍ଖ ଭବନରେ ପହଞ୍ଚି ଦଳରେ ସାମିଲ ହୋଇଛନ୍ତି। ଦଳରେ ସାମିଲ ହେବା ପରେ ଦଳ କନ୍ଧମାଳରେ ଆହୁରି ଦୃଢ଼ ଓ ଭଲ ପ୍ରଦର୍ଶନ କରିବ ବୋଲି କହିଛନ୍ତି କନ୍ଧମାଳ ଜିଲ୍ଲା ପର୍ଯ୍ୟବେକ୍ଷକ ବିଜୟ ନାୟକା କନ୍ଧମାଳ ସାଂସଦ ଅଚ୍ୟୁତ ସାମନ୍ତ ସବୁକର୍ମୀ ଓ ନେତାଙ୍କୁ ଉତରିୟ ଦେଇ ବିଜେଡ଼ିକୁ ସ୍ବାଗତ କରି ଦଳ ପାଇଁ ସେମାନେ ଭଲ କାମ କରିବେ ବୋଲି କହିଥିଲେ l ଅନ୍ୟ ମାନଙ୍କ ମଧ୍ୟରେ କନ୍ଧ ଗଉଡ ସେବା ସମିତିର ସଭାପତି ତଥା ପୂର୍ବତନ କୃଷକ ମୋର୍ଚ୍ଚା ସଭାପତି ନୁଆ ପଦର ମଣ୍ଡଲ ର ପ୍ରେମାନନ୍ଦ ମାଝୀ, ସଭାପତି ବି ଏସ ପି କନ୍ଧମାଳର ସୋମନାଥ ବାଘ, କନ୍ଧ ଗଉଡ ବିକାଶ ସମିତି ଖଜୁରୀପଡ଼ା କନ୍ଧମାଳର ସୁବାଷ ଚନ୍ଦ୍ର ପ୍ରଧାନ,ସଭାପତି ସଂଖ୍ୟା ଲଘୁ ଫୋରମ କନ୍ଧମାଳର ବନମାଳୀ ଦିଗାଲ, ଭୀମଭୋଇ ସଂଗଠନ କନ୍ଧମାଳର ସଭାପତି ନିର୍ମଳ ବେହେରା, ଓ ବି ସି ସଂଗଠନ ବିପ୍ରବର ସ୍ୱାଇଁ ମିଥୁନ ନାୟକ, ସୋମନାଥ ନାୟକ, ଲୋକନାଥ ପ୍ରଧାନଙ୍କ ସମେତ ବହୁ ସମର୍ଥକ ବିଜେଡିରେ ଯୋଗ ଦେଇଛନ୍ତି l
