ଆର,ଉଦୟଗିରି : ବିଦ୍ୟୁତ୍ ଆଘାତରେ ଜଣେ ଯୁବକଙ୍କ ମୃତ୍ୟୁ ଘଟିଥିବାବେଳେ ତାଙ୍କ ମାଉସୀ ଗୁରୁତ୍ବର ଆହତ ହୋଇଛନ୍ତି । ଘଟଣା ଘଟିଛି ଗଜପତି ଜିଲ୍ଲା ଆର,ଉଦୟଗିରି ବ୍ଳକର ଉପର କଝଟଙ୍ଗପଡା ଗ୍ରାମର ତ୍ରିଲୋଚନ ବେହେର୍ଦଳାଇ (23) ଓ ଆହତ ଜଣକ ଯୁବକଙ୍କ ମାଉସୀ ଯମୁନା କାର୍ଜୀ (30) । ତ୍ରିଲୋଚନ ନିଜ ମାଉସୀ ଘରକୁ କୁଣିଆ ଆସିଥିବା ବେଳେ ସନ୍ଧ୍ୟାରେ ଶୌଚ ହେବାପାଇଁ ନିକଟସ୍ଥ ନାଳକୁ ଯାଇଥିଲେ । ସେହି ସମୟରେ ମୋଟର ପମ୍ପ ଚଳାଇବା ପାଇଁ ବ୍ୟବହୃତ ବିଦ୍ୟୁତ୍ ତାର ସଂସ୍ପର୍ଶରେ ତ୍ରିଲୋଚନ ଆସିଯାଇଥିଲେ । ମାଉସୀ ତାଙ୍କୁ ବଞ୍ଚାଇବା ପାଇଁ ଚେଷ୍ଟା କଲାବେଳେ ସେ ମଧ୍ୟ ବିଦ୍ୟୁତ୍ ତାର ସଂସ୍ପର୍ଶ ରେ ଆସିଥିଲେ । ସଙ୍ଗେ ସଙ୍ଗେ ପରିବାର ଲୋକେ ଓ ଗ୍ରାମବାସୀ ଘଟଣା ସ୍ଥଳରେ ପହଞ୍ଚି ଦୁଇ ଜଣଙ୍କୁ ଉଦ୍ଧାର କରି ଚନ୍ଦ୍ରଗିରି ସ୍ବାସ୍ଥ୍ୟକେନ୍ଦ୍ରରେ ଭତ୍ତି କରିଥିଲେ । ସେଠାରେ ତ୍ରିଲୋଚନଙ୍କୁ ଡାକ୍ତର ମୃତ ଘୋଷଣା କରିଥିଲେ । ଆର,ଉଦୟଗିରି ପୁଲିସ ଶବ ବ୍ୟବଛେଦ ନିମନ୍ତେ ପାରଳାଖେମଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇବା ସହ ଏ ନେଇ ଆର,ଉଦୟଗିରି ଥାନାରେ କେଶ ନଂ ୧/୨୪ ମାମଲା ରୁଜୁ କରାଯାଇ ଘଟଣାର ଅଧିକ ତଦନ୍ତ କରିଛି ।
