ଦେବଗଡ଼,୧୩ା୨ : ଦେବଗଡ ପୌରାଂଚଳ ୩ ନମ୍ବର ୱାର୍ଡ ବଣିଆସାହିରୁ ସୋମବାର ରାତ୍ରୀରେ ଏକ ବାଇକ ଚୋରି ହୋଇଥିବା ଜଣପଡିଛି। ଏନେଇ ଅଭିଯୋଗ ହେବାରୁ ପୋଲିସ ଏକ ମାମଲା ଋଜୁକରି ଘଟଣାର ତଦନ୍ତ ଆରମ୍ଭ କରିଛି । ଅଭିଯୋଗ ଅନୁଯାୟୀ ବଣିଆସାହିର ଅଶୋକ କୁମାର ନାୟକଙ୍କ ପୁଅ ପ୍ରିୟାଂଶୁ ନାୟକ ଗତକାଲି ରାତ୍ରୀରେ ତାଙ୍କ କାକା ବାଦଲ ନାୟକଙ୍କ ନାମରେ ପଂଜିକୃତ ଥିବା ହିରୋ ଗ୍ଲେମର ବାଇକ(ନଂ- ଓଡି୨୮ ଏ-୪୯୦୫)ଟିକୁ ତାଲା ପକାଇ ଘର ସମ୍ମୁଖରେ ରଖିଥିଲେ ।ତେବେ ଆଜି ସକାଳେ ଦେଖିବା ବେଳକୁ ଉକ୍ତ ବାଇକଟି ସେଠାରେ ନଥିବା ଜଣାପଡିଥିଲା । ପ୍ରିୟାଁଶୁ ଦେବଗଡ ପୌରାଂଚଳର ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ ହେଁ ବାଇକଟି ମିଳିନଥିଲା । ତେବେ ଘର ନିକଟରେ ଲାଗିଥିବା ଏକ ସିସି ଟିଭି କ୍ୟାମେରା ଯାଂଚ କରିବାରୁ ଗତକାଲି ରାତ୍ରୀ ୧୧ଟା ୪୫ ମିନିଟ ସମୟରେ ଜଣେ ଦୁର୍ବୃତ ଘର ସମ୍ମୂଖରୁ ଉକ୍ତ ବାଇକଟିକୁ ଚୋରି କରି ନେଉଥିବା ଜଣାପଡିଥିଲା । ଫଳରେ ପ୍ରୟାଂଶୁ ଆଜି ପୂର୍ବାହ୍ନରେ ଏନେଇ ଦେବଗଡ ଥାନାରେ ଲିଖୀତ ଅଭିଯୋଗ କରିଥିଲେ । ଅଭିଯୋଗ ଆଧାରରେ ଦେବଗଡ ଥାନା ପୁଲିସ ଏକ ମାମଲା ଋଜୁକରି ଘଟଣାର ତଦନ୍ତ ଚଳାଇଛି ।
