ଚିକିଟି : ଚିକିଟି ପତ୍ରପୁର ଅଞ୍ଚଳରେ ହୋଇଥିବା ମଟରସାଇକଲ ଚୋରି ଘଟଣା ରେ କେ. ନୂଆଁଗାଁ ପୋଲିସକୁ ମିଳିଛି ସଫଳତା, ତିନି ଚୋରକୁ ଧରିବା ସହିତ ସେମାନଙ୍କ ଠାରୁ ଚୋରି ହୋଇଥିବା ବାଇକ କୁ ଜବତ କରିଛି।ଗତକିଛି ଦିନ ଧରି କେ. ନୂଆଁଗାଁ ଥାନା ଏବଂ ଜ୍ଵରଡା ଥାନା ଇଲାକାରେ ବାଇକ ଚୋରି ଘଟଣା ବୃଦ୍ଧି ପାଇଥିଲା ।
ଜରଡା ଥାନାରେ ତିନୋଟି ଏବଂ କେ. ନୂଆଁଗାଁ ଥାନାରେ ତିନୋଟି ପୃଥକ ପୃଥକ ଚୋରି ମାମଲା ରୁଜୁ ହୋଇଥିଲା।ତେବେ ପୋଲିସର ଏକ ଟିମ ଗଠନ କରାଯାଇ ବିଭିନ୍ନ ସ୍ଥାନରେ ଚଢଉ କରିବା ସହିତ କେ. ନୂଆଁଗାଁ ଅନ୍ତର୍ଗତ ରାମଚନ୍ଦ୍ର ପୁରର ଶଙ୍କର ସେଠୀ, ବଡ଼ପାଳଙ୍କ ଗାଁ ର ଆର. ପ୍ରବୀନ ରେଡି, ଏବଂ ଏନ. ଶିଵ ଶଙ୍କର ରେଡି କୁ ଗିରଫ କରିଛି । ସେମାନଙ୍କ ଠାରୁ ୩ଟି ସ୍ପେଲଣ୍ଡ ଗାଡି, ଗୋଟେ ହୋଣ୍ଡା ସାଇନ, ଗୋଟେ ପେସନ ଏବଂ ଗୋଟେ ଏକ୍ଟିଭା ଗାଡି ଜବତ ହୋଇଥିବା ପ୍ରେସ ବିବୃତି ମାଧ୍ୟମରେ ବ୍ରହ୍ମପୁର ଏସପି ଡା. ସର୍ବଣା ବିବେକ ସୂଚନା ଦେଇଛନ୍ତି। ଆଜି ଉକ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଅଧିକ ତଦନ୍ତ ଜାରି ରହିଥିବା ଏସପି ଶ୍ରୀ. ବିବେକ ସୂଚନା ଦେଇଛନ୍ତି।
