ଛତ୍ରପୁର : ମୁଖ୍ୟମନ୍ତ୍ରୀ ଙ୍କ ଦିନିକିଆ ଗଞ୍ଜାମଗସ୍ତନେଇ ପ୍ରଶାସନିକ କ୍ଷେତ୍ରରେ ତତ୍ପରତା ପ୍ରକାଶ ପାଇଛି । ଗଞ୍ଜାମ ଜିଲ୍ଲା ସଦରମହକୁମା ଛତ୍ରପୁରସ୍ଥ ଅନସ୍ଲୋ ମିନି-ଷ୍ଟାଡିୟମରେ ଅପରାହ୍ନ ୩ଘଣ୍ଟା ସମୟରେ ବ୍ୟୋମଯାନରୁ ଅବତରଣ କରି ଛତ୍ରପୁରମୁଖ୍ୟ- ଷ୍ଟାଡିୟମରେ ଆୟୋଜିତ ହେଉଥିବା ମେଗା ସଭାମଞ୍ଚରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଞ୍ଜାମ ଜିଲ୍ଲାବାସୀଙ୍କ ଉଦ୍ଦେଶ୍ୟରେ ଅଭିଭାଷଣ ପ୍ରଦାନ କରିବେ । ଏଥିପାଇଁ ପ୍ରଶାସନିକସ୍ତରରେ ବ୍ୟାପକ ପ୍ରସ୍ତୁତି ଚାଲିଛି । ବିଭିନ୍ନ ପ୍ରକଳ୍ପର ଆନୁଷ୍ଠାନିକ ଉଦଘାଟନୀ, ଶିଳାନ୍ୟାସ ଆଦି କରିବା ସାଂଗକୁ ସଭାମଞ୍ଚରେ ଅଭିଭାଷଣ ଦେବା ଉଦ୍ଦେଶ୍ୟରେ ଅସ୍ଥାୟୀ ହେଲିପେଡ଼ରେ ହେଲିକପ୍ଟର ମାଧ୍ୟମରେ କବିସୂର୍ଯ୍ୟନଗର, ହିଞ୍ଜିଳିକାଟୁ, ଏବଂ ଛତ୍ରପୁର, ଠାରେ ଆୟୋଜିତ ସଭାମଞ୍ଚରେ ଗଞ୍ଜାମଜିଲ୍ଲାର ମନ୍ତ୍ରୀ, ବିଧାୟକ,ସାଂସଦଙ୍କ ଗହଣରେ ମୁଖ୍ୟମନ୍ତ୍ରୀ ଯୋଗଦେବେ ଏବଂ ଗଞ୍ଜାମଜିଲ୍ଲାବାସୀଙ୍କ ଉଦ୍ଦେଶ୍ୟରେ ଆନୁଷ୍ଠାନିକ ସଭା ମଞ୍ଚରେ ନବୀନ ଅଭିଭାଷଣ ପ୍ରଦାନ କରିବେ । ଏଥି ନିମିତ୍ତ ବ୍ୟବସ୍ଥିତ ଉକ୍ତ ତିନୋଟି ସ୍ଥାନମାନଙ୍କରେ ମୁଖ୍ୟମନ୍ତ୍ରୀ ହେଲିକପ୍ଟର ମାଧ୍ୟମରେ ଅବତରଣ କରି ସଭାମଞ୍ଚ କୁ ଯିବାର କାର୍ଯ୍ୟକ୍ରମ ରହିଛି ।
୨୬ତାରିଖରେ ମୁଖ୍ୟମନ୍ତ୍ରୀଙ୍କ ଦିନିକିଆ ଗଞ୍ଜାମ ଗସ୍ତରେ ଆସୁଥିବାବେଳେ ଜିଲ୍ଲାର ଚାରିଆଡ଼େ ଉତ୍ସାହର କୋଳାହଳ ସହ ଆନନ୍ଦର ଚହଳ ସୃଷ୍ଟି ହୋଇଛି । ପ୍ରଥମେ ମୁଖ୍ୟମନ୍ତ୍ରୀ ଦିବା ୧୧ଘଣ୍ଟା ସମୟରେ କବିସୂର୍ଯ୍ୟନଗର ଯିବେ ଏବଂ ପରେ ନିଜ ନିର୍ବାଚନ ମଣ୍ଡଳୀ ହିଞ୍ଜିଳି କୁ ମଧ୍ୟାହ୍ନ ୧୨ ଘଣ୍ଟା ୧୫ମିନଟରେ ପହଞ୍ଚିବାର କାର୍ଯ୍ୟକ୍ରମ ରହିଥିବାବେଳେ ହିଞ୍ଜିଳି ଆଇ.ବି.ରେ ମଧ୍ୟାହ୍ନ ଭୋଜନସାରି କିଛି ସମୟ ବିରତି ପରେ ଜିଲ୍ଲାମହକୁମା ଛତ୍ରପୁରରେ ଅପରାହ୍ଣ ୩ଘଣ୍ଟା ୨୦ମିନଟରେ ସମୟ ଧାର୍ଯ୍ୟଥିବା ସମବେତ ଜନତାଙ୍କ ଉଦ୍ଦେଶ୍ୟରେ ଆୟୋଜିତ ସଭାମଞ୍ଚ ପାଇଁ ପ୍ରମୁଖ ସ୍ଥାନମାନଙ୍କରେ ହେଲିକପ୍ଟର ମାଧ୍ୟମରେ ଅବତରଣ କରିବେ ବୋଲି ସରକାରୀ ଭାବେ କୁହାଯାଇଛି ।
ଗଞ୍ଜାମ ଏସପି ଜଗମୋହନ ମୀନା, ବ୍ରହ୍ମପୁର ଆଇ.ଜି.ସତ୍ୟବ୍ରତ ଭୋଇ, ଡ଼ି.ଆଇ.ବି. ଡ଼ିଏସପି ଅଜୟ କୁମାର ମିଶ୍ର, ଛତ୍ରପୁର ଥାନା ଅଧିକାରୀ ସତ୍ୟରଞ୍ଜନ ପ୍ରଧାନ ପ୍ରମୁଖ ବହୁ ପୋଲିସ ଅଧିକାରୀ ଛତ୍ରପୁର ଷ୍ଟାଡିୟମଠାରେ ବ୍ୟବସ୍ଥିତ ସଭାମଞ୍ଚ ପରିସର ବୁଲି ସ୍ଥିତି ଅନୁଧ୍ୟାନ କରିଥିଲେ । ସେହିପରି ଅନ୍ୟ ଦୁଇଟି ସ୍ଥାନ ମଧ୍ୟ ଗଞ୍ଜାମ ଏସପି ଏବଂ ବ୍ରହ୍ମପୁର ଆଇ.ଜି. ପ୍ରମୁଖ ସଦଳବଳେ ପରିଦର୍ଶନ କରି ତନଖି କରିଛନ୍ତି । ତିନୋଟି ସ୍ଥାନରେ ମୁଖ୍ୟମନ୍ତ୍ରୀଙ୍କ ଏହି ଦିନିକିଆ ଗସ୍ତ ଓ ଯୋଗଦାନ କୁ ଲକ୍ଷ୍ୟ କରି ଗୁଇନ୍ଦା ବିଭାଗ ସହ ସମ୍ପର୍କ ରକ୍ଷାକରି ଆଇନ ଶୃଙ୍ଖଳାକୁ ଭଲ ଭାବେ ତଦାରଖ କରିବାରେ ଗଞ୍ଜାମ ପୋଲିସ ପ୍ରଶାସନ ବ୍ୟସ୍ତ ଅଛନ୍ତି ।
