ଦାରିଙ୍ଗବାଡି,୧୩/୦୩ : ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି । ଘଟଣା ଘଟିଛି ଦାରିଙ୍ଗବାଡି ଥାନା ଅଧିନ ୫୯ ନମ୍ବର ଜାତୀୟ ରାଜପଥ ମୁଣ୍ଡାନାଜୁ ଘାଟିର ଏକ ବୁଲାଣିରେ । ରବିବାର ବିଳମ୍ବିତ ରାତି ସମୟରେ ମୁଣ୍ଡାନାଜୁ ଘାଟିରେ ଅଜଣା ଗାଡ଼ି ଧକ୍କାରେ ଜଣେ ମୃତ୍ୟୁ ବରଣ କରିଥିବା ଜଣାପଡିଛି । ମୃତକ ଜଣକ ହେଲେ ନୂଆଗାଁ ଥାନା ରାଜଘରା ଗ୍ରାମର ଲକ୍ଷ୍ମିଚନ୍ଦ୍ର ଦିଗାଲ । ରାତ୍ର ସମୟରେହିଁ ଘଟଣା ସ୍ଥଳରେ ଦାରିଙ୍ଗବାଡି ପୋଲିସ ପହଞ୍ଚି ମୃତ ଦେହ ଜବତ କରି ସୋମବାର ଦିନ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ଦୁର୍ଘଟଣା ନେଇ ମାମଲା ନମ୍ବର ୪୮/୨୩ ରୁଜୁ ହେବା ସହ ଘଟଣାର ତଦନ୍ତ ଚାଲିଥିବା ନେଇ ଥାନା ଅଧିକାରୀ କୌଶିକ ମାଝୀ ସୂଚନା ଦେଇଛନ୍ତି ।
