କବିସୂର୍ଯ୍ୟନଗର : ଗଞ୍ଜାମ ଜିଲ୍ଲାରେ ଫଳକ ପଡ଼ି ଛାତ୍ର ମୃତ । ଅଙ୍ଗନବାଡ଼ି ନିକଟରେ ତିଆରି ହୋଇଥିବା ଏନଆରଜିଏସ ଫଳକ ପଡ଼ି ଜଣେ ଅଷ୍ଟମ ଶ୍ରେଣୀ ଛାତ୍ରର ମୃତ୍ୟୁ ହୋଇଛି । ଏହିଁ ଅଭାବନୀୟ ଘଟଣା ଗଞ୍ଜାମ ଜିଲ୍ଲା କବି ସୂର୍ଯ୍ୟନଗର ଥାନା ଅଧିନସ୍ଥ ପୋଲସରା ନିକଟ ବାଲିଛାଇ ଗାଁରେ ଘଟିଛି ।
ଗାଁର ପ୍ରାଥମିକ ବିଦ୍ୟାଳୟ ପଡ଼ିଆରେ ଅଷ୍ଟମ ଶ୍ରେଣୀ ଛାତ୍ର ଭାବଗ୍ରାହୀ ସାହୁ ସାଙ୍ଗସାଥିଙ୍କ ସହ ଖେଳୁଥିବା ବେଳେ ଅଙ୍ଗନବାଡ଼ି ନିକଟରେ ଥିବା ଫଳକ ପଡ଼ି ଛାତଙ୍କର ମୃତ୍ୟୁ ହୋଇଛି । ତେବେ ଏହି ଅଘଟଣ ପରେ ପରିବାର ଓ ସ୍ଥାନୀୟ ଲୋକେ ହସ୍ପିଟାଲ ନେବା ବାଟରେ ହିଁ ଛାତ୍ରଙ୍କର ମୃତ୍ୟୁ ଘଟିଛି । ଛାତ୍ରଙ୍କ ମୃତ୍ୟୁ ଲାଗି ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି । କାନ୍ଦ ବୋବାଳିରେ ଗାଁ ଫାଟିପଡ଼ୁଛି ପରିବେଶ । ଶ୍ରମମନ୍ତ୍ରୀ ଆସି ପରିବାରକୁ ସମବେଦନା ଜଣାଇଛନ୍ତି ।
