ଛତ୍ରପୁର : ସ୍ଥାନୀୟ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟରେ ଆଠ ଦିନ ଧରି ଚାଲିଥିବା ଆତ୍ମସୁରକ୍ଷା ତାଲିମ ଶିବିର ଶନିବାର ଉଦଯାପିତ ହୋଇଯାଇଛି l ଏହି କାର୍ଯ୍ୟକ୍ରମରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ରବିନାରାୟଣ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ବାସ୍ତବ ଜୀବନରେ ଆସୁଥିବା ବିପଦକୁ ସାହସର ସହ ସାମ୍ନା କରିବା ଏହି ତାଲିମ ର ମୂଳମନ୍ତ୍ର ବୋଲି ଉପସ୍ଥିତ ଛାତ୍ରୀ ମାନଙ୍କୁ କହିଥିଲେ l ଏହା ସହିତ ତାଲିମପ୍ରାପ୍ତ ଛାତ୍ରୀ ମାନଙ୍କୁ ପ୍ରମାଣପତ୍ର ପ୍ରଦାନ କରିଥିଲେ l ଅନୁଷ୍ଠାନ ର ଅଧ୍ୟକ୍ଷା ସସ୍ମିତା ସାମନ୍ତରାୟ ଙ୍କ ପୌରହିତ୍ୟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଗ୍ରନ୍ଥାଗାର କେ. ଧରମା ରାଓ କାର୍ଯ୍ୟକ୍ରମ ସଂଯୋଜନା କରିବା ସହ ଶେଷରେ ଧନ୍ୟବାଦ ଅର୍ପଣ କରିଥିଲେ l ଏହି ତାଲିମ ଶିବିର ଗତ 13ତାରିଖ ଠାରୁ ଆରମ୍ଭ ହୋଇଥିଲା, ଆଜିର ଏହି କାର୍ଯ୍ୟକ୍ରମ ରେ ଦୁଇଶହ ରୁ ଉର୍ଧ୍ଵ ଛାତ୍ରୀ ଯୋଗଦେଇଥିଲେ
