କଟକ(୨୧/୧) : ଯୁବ ସମାଜସେବୀ ଅଭିଜିତ ପୃଷ୍ଟିଙ୍କ ଅକାଳ ବିୟୋଗରେ କଟକ ସହର ତାର ଜଣେ ସୁପୁତ୍ରକୁ ହରାଇଲା ବୋଲି ଆଜି ଅଭିଜିତଙ୍କ ଦ୍ବାଦଶାହ ଉପଲକ୍ଷେ ଆୟୋଜିତ ଶ୍ରଦ୍ଧାଞ୍ଜଳି ସଭାରେ ବିଶିଷ୍ଟ ବ୍ୟକ୍ତିମାନେ ମତ ପ୍ରକାଶ କରିଛନ୍ତି | ସୂଚନାଯୋଗ୍ୟ କଟକ ସିଲଭରସିଟି କ୍ଲବର ପ୍ରତିଷ୍ଠାତା ଯୁବ ସମାଜସେବୀ ଅଭିଜିତ ପୃଷ୍ଟିଙ୍କର ଗତ ୧୦ ତାରିଖ ଦିନ ପୁନା ଠାରେ ଆକସ୍ମିକ ବିୟୋଗ ହୋଇଥିଲା | ଅଭିଜିତ ତାଙ୍କର ସ୍ବେଚ୍ଛାସବୀ ଅନୁଷ୍ଠାନ ଜରିଆରେ କଟକ ସହରର ଉନ୍ନତି ଲାଗି ନିରନ୍ତର ପ୍ରୟାସ ଜାରି ରଖିଥିଲେ | ବାରବାଟୀ ଦୁର୍ଗର ପୁନରୁଦ୍ଧାର ହେଉ ବା କଟକର ସ୍ବଚ୍ଛତା କଥା ହେଉ ସବୁଠାରେ ଅଭିଜିତ ନିଜର କ୍ଲବ ସହକର୍ମୀମାନଙ୍କ ସହ ସକ୍ରିୟ ରହିଥିଲେ | ତାଙ୍କର ବିୟୋଗରେ ସିଲଭର ସିଟି କ୍ଲବର ସଦସ୍ୟ, ବୁଦ୍ଧିଜୀବୀ, କଟକ ସହରର ବହୁ ଜନସାଧାରଣ ଶୋକପ୍ରକାଶ କରିଛନ୍ତି | ଏହି ଅବସରରେ ଅଭିଜିତ ଭାଇ ଅମର ରହେ ସ୍ଲୋଗାନ ସହିତ ଏକ ଶୋଭାଯାତ୍ରା ଅଭିଜିତ ଙ୍କ ବାସସ୍ଥାନ ସିଡ଼ିଏରେ ପରିକ୍ରମା କରିଥିଲା |
