ହିଂଜିଳିକାଟୁ ୨୦ା୧ : ହିଂଜିଳିକାଟୁ ବ୍ଳକ ପୋଚିଲିମା ଖମ୍ବେୟାଦୋରା ଉଚ୍ଚ ମାଧ୍ୟମିକ ବିଦ୍ୟାଳୟରେ ଛାତ୍ରୀଙ୍କ ଆତ୍ମରକ୍ଷା କୌଶଳ ପ୍ରଶିକ୍ଷଣ ଶିବିର ଆୟୋଜିତ ହୋଇଯାଇଛି । ଶୁକ୍ରବାର କାର୍ଯ୍ୟକ୍ରମକୁ ଊଚ୍ଚ ମାଧ୍ୟମିକ ବିଦ୍ୟାଳୟର ସଂପାଦକ ତଥା ପୂର୍ବତନ ବ୍ଳକ ଅଧ୍ୟକ୍ଷ ଏନ ରଘୁନାଥ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଛନ୍ତି । ଅନୁଷ୍ଠାନ ପରିସରରେ ଆୟୋଜିତ କାର୍ଯ୍ୟକ୍ରମରେ ଅଧ୍ୟକ୍ଷ ସୂର୍ଯ୍ୟନାରାୟଣ ପଣ୍ଡାଙ୍କ ପୌରହିତ୍ୟରେ ଅନୁଷ୍ଠିତ ହୋଇଥିଲା । ପୂର୍ବତନ ଜୁନିଅର କେଲଜ ଅଧ୍ୟକ୍ଷ ଡ଼ ରବିନାରାୟଣ ପାଣିଗ୍ରାହି ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ଅଧ୍ୟାପକ ନୀଳାଂଚଳ ପାଣିଗ୍ରାହିଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ଅଧ୍ୟାପକ କେ କୃଷ୍ଣମୂର୍ତୀ ଦାସ ଓ ସଂଜୟ କୁମାର ଷଡ଼ଙ୍ଗୀ , ପ୍ରଶିକ୍ଷିକା ସଙ୍ଗିତା ସ୍ୱାଇଁ ମଂଚାସୀନ ଥିଲେ । ଆତ୍ମରକ୍ଷା କୌଶଳ ଆଧୁନିକ ନାରୀଙ୍କ ନିମନ୍ତେ ଅତି ଆବଶ୍ୟକ ବୋଲି ଅତିଥି ମାନେ ମତ ରଖିଥିଲେ । ୧୯୪ଜଣ ଛାତ୍ରୀ ଆତ୍ମରକ୍ଷା କୌଶଳ ପ୍ରଶିକ୍ଷଣ ଶିବିରରେ ଯୋଗ ଦେଇଛନ୍ତି । ୮ଦିନ ଧରି ପ୍ରଶିକ୍ଷର ଶିବିର ଅନୁଷ୍ଠିତ ହେବ ବୋଲି ପ୍ରକାଶ ।
