ବୁଗୁଡ଼ା : ବୁଗୁଡ଼ା ବ୍ଲକର ପ୍ରତାପ ଧନଞ୍ଜୟ ପୁର ଶାସନ ନିକଟସ୍ଥ ବିଲରେ ଏକ କୃଷ୍ଣସାର ମୃଗକୁ ବୁଲା କୁକୁରମାନେ ଦଳବଦ୍ଧ ଭାବେ ଆକ୍ରମଣ କରୁଥିଲେ । ଏହି ସମୟରେ ଅବସରପ୍ରାପ୍ତ ଶିକ୍ଷକ ଗୌରୀ ଶଙ୍କର ମିଶ୍ର ଦେଖି ସେମାନଙ୍କ କବଳରୁ ମୃଗଟିକୁ ଉଦ୍ଧାର କରି ବୁଗୁଡ଼ା ବନ ବିଭାଗକୁ ଖବର ଦେଇଥିଲେ । ବନ ବିଭାଗ କର୍ମଚାରୀମାନେ ପହଞ୍ଚି ମୃଗକୁ ଚିକିତ୍ସା ପାଇଁ ଆଣିଥିଲେ । ଅନେକ ସମୟରେ ମୃଗମାନେ ଏପରି ବୁଲା କୁକୁରଙ୍କ ଆକ୍ରମଣର ଶିକାର ହେଉଥିବା ଜଣାଯାଇଛି ।
