ଫୁଲବାଣୀ : କନ୍ଧମାଳ ଜିଲ୍ଲାର ବ୍ରାହ୍ମଣ ସମାଜର କାର୍ଯ୍ୟ କାରିଣୀ ବୈଠକ ବ୍ରାହ୍ମଣ ସମାଜର ସଭାପତି ପିତାମ୍ବର ମିଶ୍ରଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି l ଉକ୍ତ ବୈଠକରେ ଆଗାମୀ ଦିନରେ ହେବାକୁ ଥିବା ଜିଲ୍ଲା ସ୍ତରୀୟ ବ୍ରାହ୍ମଣ ସମାଜର ସମ୍ମିଳନୀ ଉପରେ ଆଲୋଚନା ହୋଇଥିଲା l ଏଥି ସହିତ ବ୍ରାହ୍ମଣ ସମାଜର କାର୍ଯ୍ୟାଳୟ ଗୃହ ନିର୍ମାଣ, ଗରିବ ବ୍ରାହ୍ମଣ ପରିବାରଙ୍କ ବ୍ରତ ବିବାହ ନିମନ୍ତେ ଏକ ମଣ୍ଡପ ନିର୍ମାଣ ପାଇଁ ମଧ୍ୟ ଯୋଜନା ରହିଛି l ଏହି ସବୁ କାର୍ଯ୍ୟ ନିମନ୍ତେ ଏକ କମିଟି ଗଠନ କରାଯାଇଛି ଯେଉଁମାନେ କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ପରାମର୍ଶ ଦେବା ସହିତ ସହଯୋଗ କରିବା ପାଇଁ ସର୍ବ ସମ୍ମତି କ୍ରମେ ନିଷ୍ପତ୍ତି ନିଆଯାଇଛି l ଉକ୍ତ ବୈଠକରେ ବରିଷ୍ଠ ନାଗରିକ ତଥା ସାମାଜ ର ଉପଦେଷ୍ଟା ଅନନ୍ତ ଚରଣ ମିଶ୍ର, କମଳା କାନ୍ତ ପାଣ୍ଡେ, ସିଦ୍ଧେଶ୍ଵର ଦାଶ, ସାଧାରଣ ସମ୍ପାଦକ ବାଉରୀବନ୍ଧୁ ମିଶ୍ର, ସଂଗଠନ ସମ୍ପାଦକ ପରେଶ ମହାପାତ୍ର,ହିସାବ ରକ୍ଷକ ରାଜ କିଶୋର ପାଢି ଙ୍କ ସମେତ ବହୁ ବ୍ରାହ୍ମଣ ସମାଜର ସଦସ୍ୟମାନେ ଉପସ୍ଥିତ ଥିଲେ l
