ଫୁଲବାଣୀ : ଫୁଲବାଣୀର ଏକମାତ୍ର ଗୋଷ୍ଠୀ ବେତାର କେନ୍ଦ୍ର ରେଡ଼ିଓ ମୁସ୍କାନ ୯୦.୪ ଏଫ ଏମ ପକ୍ଷରୁ ଆମର ବରିଷ୍ଠ ଆମ ସ୍ବାଭିମାନ ନାମକ ଏକ ନୂତନ କାର୍ଯ୍ୟକ୍ରମର ଶୁଭାରମ୍ଭ ହୋଇଛି ।
ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରଣାଳୟ ପ୍ରାୟୋଜିତ ଓ କମ୍ୟୁନିଟି ରେଡ଼ିଓ ଏସୋସିଏସନ ଦ୍ବାରା ଅଟଳ ଭାୟା ଅଭ୍ୟୁଦୟ ଯୋଜନା( ଅଭୟ) ଉପରେ ଆଧାରିତ ସ୍ବତନ୍ତ୍ର କାର୍ଯ୍ୟକ୍ରମ । ଏହା ରେଡ଼ିଓରେ ପ୍ରଚାର ଓ ପ୍ରସାର ସହିତ ଲୋକଙ୍କ ପାଖକୁ ଯାଇ ବରିଷ୍ଠ ନାଗରିକ ମାନଙ୍କୁ ମିଳୁଥିବା ସୁବିଧା ସୁଯୋଗ ସମ୍ପର୍କରେ ଜଣାଇବା ସହ ସଚେତନ କରାଇବା ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ । କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ବରିଷ୍ଠ ନାଗରିକ ଙ୍କୁ ମିଳୁଥିବା ସମସ୍ତ ଯୋଜନାର ଲାଭ ସେମାନେ ପାଇବେ ସେଥିପ୍ରତି ସରକାର ଦୃଷ୍ଟି ଦେଉଛନ୍ତି । ଆଜି ଉଦଘାଟନୀ କାର୍ଯ୍ୟକ୍ରମରେ ଜିଲ୍ଲା ସାମାଜିକ ସୁରକ୍ଷା ଅଧୂକାରୀ ପି ପଦ୍ମା, ବରିଷ୍ଠ ନାଗରିକ ମଞ୍ଚ ସଭାପତି କମଳା କାନ୍ତ ପାଣ୍ଡେ, ସମ୍ପାଦକ ପ୍ରଣବ ମଣ୍ଡଳ, ରେଡ଼ିଓ ମୁସ୍କାନର ନିର୍ଦ୍ଦେଶିକା ଶିବାନୀ ସୁଆର , କାର୍ଯ୍ୟକ୍ରମ ସଂଯୋଜକ ଦିନେଶ ମହାପାତ୍ରଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ ।
