ଶ୍ରୀନଗର: ଜମ୍ମୁକଶ୍ମୀର ସରକାର ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତିଙ୍କୁ ନଭେମ୍ବର ୧୫ କିମ୍ବା ତା ପୂର୍ବରୁ ସରକାରୀ ବଙ୍ଗଳା ଖାଲି କରିବାକୁ ନିର୍ଦ୍ଦେଶ ଦେଇଛନ୍ତି। ଜମ୍ମୁକଶ୍ମୀର ସରକାରଙ୍କ ପକ୍ଷରୁ ମୁଫତିଙ୍କୁ ନୋଟିସ ଜାରି କରି କୁହାଯାଇଛି ଯେ ଗୁପ୍ତକର ରୋଡରେ ଥିବା ‘ଫେୟାରଭ୍ୟୁ’ ବଙ୍ଗଳା ନଭେମ୍ବର ୧୫ ସୁଦ୍ଧା ଖାଲି କରନ୍ତୁ | ସରକାର ନିର୍ଦ୍ଦେଶନାମାରେ କୁହାଯାଇଛି ଯେ ମୁଫତି ଏହି ବଙ୍ଗଳାରେ ‘ଅନଧିକୃତ’ ଭାବରେ ରହୁଛନ୍ତି।
ଏହି ଆଦେଶରେ ସ୍ପଷ୍ଟ କରି କୁହାଯାଇଛି ଯେ ମୁଫତିଙ୍କୁ ଦିଆଯାଇଥିବା ବଙ୍ଗଳା ୨୭ ଏପ୍ରିଲ ୨୦୧୭ରେ ତତ୍କାଳୀନ ମୁଖ୍ୟମନ୍ତ୍ରୀ ଭାବରେ ୬ ମାସ ପାଇଁ ଦିଆଯାଇଥିଲା ଏବଂ ଏହା ପରେ ଅକ୍ଟୋବର ୩୧, ୨୦୧୮ ପର୍ଯ୍ୟନ୍ତ ସମୟ ବୃଦ୍ଧି କରାଯାଇଥିଲା ଏବଂ ଏହା ପରେ କୌଣସି କୌଣସି ସମ୍ପ୍ରସାରଣ ହୋଇନାହିଁ। ଏହା ପରେ ସେ ଆଉ ସରକାରୀ ବଙ୍ଗଳାରେ ରହିବାର ଅଧିକାର ପାଇନାହାଁନ୍ତି, କାରଣ ପୂର୍ବତନ ମୁଖ୍ୟମନ୍ତ୍ରୀ ବିଭିନ୍ନ ସୁବିଧା ପାଇବାକୁ ଥିବା ଆଇନଗତ ବ୍ୟବସ୍ଥା ୨୦୨୦ ମସିହାରେ ଭାରତ ସରକାର ରଦ୍ଦ କରିଦେଇଥିଲେ।
ସରକାର କହିଛନ୍ତି ଯେ ପୂର୍ବରୁ ଅକ୍ଟୋବର ୨୨ ରେ ମୁଫତିଙ୍କୁ ବଙ୍ଗଳା ଖାଲି କରିବାକୁ କୁହାଯାଇଥିଲା | ନିର୍ଦ୍ଦେଶନାମାରେ କୁହାଯାଇଛି ଯେ ସରକାର ସୁରକ୍ଷାକୁ ଦୃଷ୍ଟିରେ ରଖି ଆପଣଙ୍କୁ ଅନ୍ୟ ସ୍ଥାନରେ ବିକଳ୍ପ ଆବାସ ଯୋଗାଇବା ପାଇଁ ଇଚ୍ଛା ପ୍ରକାଶ କରିଥିବାରୁ ଏହି ବଙ୍ଗଳାରେ ଆଉ ରହିହେବ ନାହିଁ | ତେଣୁ ଜମ୍ମୁକଶ୍ମୀର ପବ୍ଲିକ୍ ପ୍ରିମିୟର୍ସ ଅଧିନିୟମର ଧାରା ୫ ର ଉପ-ଧାରା (୧) ଅନୁଯାୟୀ ଦିଆଯାଇଥିବା କ୍ଷମତାକୁ ବ୍ୟବହାର କରି ମେହବୁବା ମୁଫତିଙ୍କୁ ନିର୍ଦ୍ଦେଶ ଦିଆଯାଉଛି ଯେ ନଭେମ୍ବର ୧୫ ପୂର୍ବରୁ ସେ ସରକାରୀ ବଙ୍ଗଳା ଖାଲି କରିବେ |
