ପାତ୍ରପୁର : ପାତ୍ରପୁର ବ୍ଳକ ନୁଆପେଣ୍ଠ ସ୍ଥିତ ଉତ୍କଳ ଗ୍ରାମୀଣ ବ୍ୟାଙ୍କରେ ମଙ୍ଗଳବାର ଅପରାହ୍ନରେ ଏକ ବିଦାୟ କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ବ୍ୟାଙ୍କ ମ୍ୟାନେଜର ପ୍ରଦିପ କୁମାର ଦାସଙ୍କ ପୈାରହିତ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ୟୁଜିବି ରେଜିଓନାଲ ମ୍ୟାନେଜର ଅଜୟ କୁମାର ନାୟକ ମୁଖ୍ୟ ଅତିଥି ଭାବେ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ଆଡମିନ ଦିପକ କୁମାର ପଟ୍ଟନାୟକ,ଡି କାଳିଦାସ, ପୁର୍ବତନ କ୍ୟାସିୟର ବୃନ୍ଦାବନ ପ୍ରଧାନ ପ୍ରମୁଖ ଉପସ୍ଥିତ ରହି ଅବସର ଗ୍ରହଣ କରିଥିବା ଜଣେ ସଚୋଟ ମଣିଷ ତଥା ସରଳ ବ୍ୟକ୍ତିତ୍ଵ ବ୍ୟାଙ୍କ ମ୍ୟାନେଜର ଏ ରାମାରାଓ ଙ୍କ ସମୟାନୁବର୍ତିତା, କର୍ତ୍ତବ୍ୟନିଷ୍ଠା ନେଇ ଭୁରି ଭୁରି ପ୍ରଶଂସା କରିଥିଲେ।
ସେହିପରି ବିଦାୟୀ ମ୍ୟାନେଜର ଏ ରାମାରାଓ ଭାବ ବିହ୍ୱଳ ହୋଇ ସମସ୍ତ ଅତିଥି ଓ ଜନ ସାଧାରଣଙ୍କୁ କୃତଜ୍ଞତା ଜ୍ଞାପନ କରିବା ସହ ଅଞ୍ଚଳ ର ଜନ ସାଧାରଣଙ୍କୁ ଉତ୍ତମ ସେବା ଯୋଗାଇଦେବା ଓ ବ୍ୟାଙ୍କ ର ଉନ୍ନତି ଦିଗରେ କାର୍ଯ୍ୟ କରିବାକୁ ନୂତନ ଭାବେ ଯୋଗଦେଇ ଥିବା ମ୍ୟାନେଜର ଓ କ୍ୟାସିୟର ଙ୍କୁ ପରାମର୍ଶ ଦେଇଥିଲେ।ଏକ ଭାବ ବିହ୍ୱଳ ପରିବେଶ ମଧ୍ୟରେ ମ୍ୟାନେଜର ଏ ରାମାରାଓ ଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦେବା ସହିତ ନୂତନ ଭାବେ ଯୋଗଦେଇ ଥିବା ମ୍ୟାନେଜର ଓ କ୍ୟାରିୟର ଙ୍କୁ ସ୍ଵାଗତ କରାଯାଇଥିଲା। ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ସୁଶାନ୍ତ କୁମାର ଦୋରା, ଏମ୍ ମହେନ୍ଦ୍ର କୁମାର, ସୋରେନ ନାୟକ, ଜି ଜାନକୀ ଆମ୍ମା, ବାଉରୀ ସାହୁ,ବାଇରି ଆଚାରୀ, ପାର୍ବତୀ, ବ୍ୟାଙ୍କ ମିତ୍ର ସୁମିତ୍ରା ସେଠୀ ପ୍ରମୁଖ ଉପସ୍ଥିତ ରହିଥିବା ବେଳେ ନବାଗତ ବ୍ୟାଙ୍କ କ୍ୟାସିୟର ଶ୍ରୀମତୀ ସଙ୍ଗିତା କୁମାରୀ ପ୍ରଧାନ କାର୍ଯ୍ୟକ୍ରମ କୁ ପରିଚାଳନା କରିଥିଲେ।
