ବିଜୁଜନତା ଦଳ ପକ୍ଷରୁ ଘୁ. ଉଦୟଗିରି ନିର୍ବାଚନ ମଣ୍ଡଳୀର ସମସ୍ତ ବ୍ଳକ ଓ ଏନଏସିର ନବ ନିର୍ବାଚିତ ଜନ ପ୍ରତିନିଧି ମାନଙ୍କୁ ସମ୍ବର୍ଦ୍ଧନା…

ଦାରିଙ୍ଗବାଡ଼ି : ଦାରିଙ୍ଗବାଡ଼ି ସ୍ଥିତ ମିଶ୍ର କଲ୍ୟାଣ ମଣ୍ଡପରେ ବିଜୁଜନତା ଦଳ ପକ୍ଷରୁ ଘୁ. ଉଦୟଗିରି ନିର୍ବାଚନ ମଣ୍ଡଳୀର ସମସ୍ତ ବ୍ଳକ ଓ ଏନଏସିର ନବ ନିର୍ବାଚିତ ଜନ ପ୍ରତିନିଧି ମାନଙ୍କୁ ଫୁଲତୋଡ଼ା ଓ ଉପଡୋକନ ଦେଇ ସମ୍ବର୍ଦ୍ଧନା ଜଣାଇଲେ ବିଧାୟକ ସାଲୁଗା ପ୍ରଧାନ। ବିଧାୟକ ଶ୍ରୀଯୁକ୍ତ ପ୍ରଧାନ ନବ ନିର୍ବାଚିତ ଦଳୀୟ ଜନ ପ୍ରତିନିଧି ମାନଙ୍କୁ ଉତ୍ସାହିତ କରିବା ନେଇ ସମ୍ବର୍ଦ୍ଧନା ସଭାର ଆୟୋଜନ କରିଥିଲେ । ଏହି କାର୍ଯ୍ୟକ୍ରମରେ ଜିଲ୍ଲା ପରିଷଦ ଉପାଧ୍ୟକ୍ଷା ସାହିବାଣୀ ବେହେରା, ଘୁ. ଉଦୟଗିରି ଏନ.ଏ.ସି. ଅଧ୍ୟକ୍ଷା ଭାନୁପ୍ରଭା ମିଶ୍ର, ଉପାଧ୍ୟକ୍ଷ ସନ୍ତୋଷ ବାଗ, ରାଇକା ସମିତି ଅଧ୍ୟକ୍ଷ ପ୍ରୀତମ କୁମାର ପ୍ରଧାନ, ଘୁ. ଉଦୟଗିରି ସମିତି ଅଧ୍ୟକ୍ଷ ଦିଲ୍ଲୀପ କୁମାର ପ୍ରଧାନ ଓ ଦାରିଙ୍ଗବାଡ଼ି ସମିତି ଅଧ୍ୟକ୍ଷ ଶୁସାନ୍ତ କୁମାର ପ୍ରଧାନ ଯୋଗଦେଇ ନବ ନିର୍ବାଚିତ ଦଳୀୟ ସମର୍ଥୀତ ସମସ୍ତ ସରପଞ୍ଚ, ସମିତି ମେମ୍ବର, ନାଏବ ସରପଞ୍ଚ, ଦଳୀୟ ଜିଲ୍ଲା ପରିଷଦ ସଭ୍ୟ ସଭ୍ୟା, ଏନ.ଏ.ସି.କାଉନସିଲର ମାନଙ୍କୁ ଫୁଲତୋଡ଼ା ଓ ଉପଡୋକନ ଦେଇ ସମ୍ବର୍ଦ୍ଧିତ କରିଥିଲେ । ଏହି ଅବସରରେ ଦଳୀୟ ପ୍ରତିନିଧି ତଥା ବିଜୁଜନତା ଦଳର ବ୍ଳକ ସଭାପତି, ଯୁବ ସଭାପତି , ଛାତ୍ର ସଭାପତି ,ଜିଲ୍ଲା ସାଧାରଣ ସଂପାଦକ ମାନଙ୍କୁ ମଧ୍ୟ ସମ୍ବର୍ଦ୍ଧିତ କରିଥିଲେ । ଘୁ.ଉଦୟଗିରି ବିଧାନସଭା ନିର୍ବାଚନ ମଣ୍ଡଳୀର ପ୍ରଥମ କରି ଏହିପରି ସମ୍ବର୍ଦ୍ଧନା ସଭା ଆୟୋଜନ କରାଯାଇଥିବା ଜଣାପଡ଼ିଛି । ଏହି ଅବସରରେ ଅନ୍ୟ ରାଜନୈତିକ ଦଳର କର୍ମୀ ବିଜୁ ଜନତା ଦଳରେ ଯୋଗଦେଇ ଥିଲେ । ବିଧାୟକ ଏହି ବୈଠକରେ ଜନପ୍ରତିନିଧି ମାନଙ୍କୁ ଦଳୀୟ ସଂଗଠନ ସୁଦୃଡ଼ କରିବା ସହ ସରକାରୀ ଯୋଜନାରେ ଯୁଗ୍ୟ ହିତାଧିକାରୀ ମାନଙ୍କୁ ସୁବିଧା ପହଂଞ୍ଚାଇବା ସହ ଏଥିପାଇଁ ସମସ୍ତେ ଯତ୍ନବାନ ହେବାକୁ ପରାମର୍ଶ ଦେଇଥିଲେ ।