ଫୁଲବାଣୀ(୧୪/୪) : ଜାଗ୍ରତ କନ୍ଧମାଳ ପକ୍ଷରୁ ଆଜି ଫୁଲବାଣୀଠାରେ ବାବା ସାହେବ ଆମ୍ବେଦକର ଜୟନ୍ତୀ ଉତ୍ସବ ପାଳିତ ହୋଇଛି । ସକାଳୁ ଫୁଲବାଣୀ ସାହୀ ଠାରେ ଥିବା ଡଃ ବାବା ସାହେବ ଭୀମରାଓ ଆମ୍ବେଦକରଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟାର୍ପଣ କରାଯାଇଥିଲା ।ଏଥିରେ ଜାଗ୍ରତ କନ୍ଧମାଳର ସଭାପତି ପ୍ରଶାନ୍ତ ମହାନ୍ତି। ସଂପାଦକ ସତ୍ୟନାରାୟଣ ବେହେରା, ଉପଜିଲାପାଳ ଶେଷଦେବ ମିଶ୍ର,ବରୀଷ୍ଠ ସାମ୍ବାଦିକ ସନ୍ତୋଷ ଡିଗଲ, ସୂର୍ଯ୍ୟ ନାରାୟଣ ବେହେରା, କଣ୍ଠଶିଳ୍ପୀ ଜଳନ୍ଧର ବେହେରା,ଜିଲା ମଙ୍ଗଳ ଅଧିକାରୀ, ସହ ସଂପାଦକ ରମେଶ ପ୍ରଧାନ ପ୍ରମୁଖ ଯୋଗଦେଇ ପୁଷ୍ପ ମାଲ୍ୟ ଅର୍ପଣ କରିଥିଲେ ।ଏହି ଅବସରରେ ପ୍ରେସ କ୍ଲବଠାରେ ଜାଗ୍ରତ କନ୍ଧମାଳର ସାଧାରଣ ସଂପାଦକ ସତ୍ୟନାରାୟଣ ବେହେରା ସଭାପତିତ୍ବରେ ଆୟୋଜିତ ସଭାରେ ମୁଖ୍ୟ ଅତିଥି ଭାବରେ ପୂଜାରୀ ଖଣ୍ଡାୟତର ସଭାପତି ଶ୍ୱେତାବନ ପୂଜାରୀ ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବରେ ସାମ୍ବାଦିକ ବ୍ରଜ ବିହାରୀ ନନ୍ଦ ଯୋଗ ଦେଇଥିଲେ।ସେହିପରି ସଂମାନିତ ଅତିଥି ଭାବରେ ଶ୍ରମିକ ନେତା ଘନ କୁମାର ଶବର, ଅଵସର ପ୍ରାପ୍ତ କର୍ମଚାରୀ ସଂଘର ସଭାପତି ସର୍ବେଶ୍ୱର ମିଶ୍ର,ପ୍ରେସ କ୍ଲବ ସମ୍ପାଦକ ପ୍ରଶାନ୍ତ କୁମାର ବେହେରା,କିରଟି ଦିଗାଲ,ମହେଶ୍ୱର ପ୍ରଧାନ,ପ୍ରଶାନ୍ତ କୁମାର ପଣ୍ଡାସାମ୍ବାଦିକ ଫୁଲବାଣୀ,ଶିକ୍ଷକ ଆଦିତ୍ୟ ସାହଣୀ,ସମାଜସେବୀ ସଞ୍ଜିତ ମଣ୍ଡଳ ପ୍ରମୁଖ ଅତିଥିମାନେ ଯୋଗଦେଇ ସମ୍ବିଧାନ ପ୍ରଣୟନ ଓ ସମାଜ ସୁଧାର ଦିଗରେ ଡଃ.ଭୀମରାଓ ଆମ୍ବେଦ କରଙ୍କ ଗୁରୁତ୍ୱ ପୁର୍ଣ୍ଣ ଭୂମିକା ଉପରେ ଆଲୋଚନା କରିଥିଲେ । ଦଳିତ ମାନଙ୍କ ପାଇଁ ଆମ୍ବେଦକର ସମ୍ବିଧାନ ପ୍ରଣୟନ ସହିତ କିପରି ପ୍ରତ୍ୟେକ ମଣିଷ ସୁଖ ସ୍ବଛନ୍ଦରେ ଉଚିତ ନ୍ୟାୟୀକ ଅଧିକାର ପାଇ ପାରିବ ସେଥିପ୍ରତି ଦୃଷ୍ଟିଦେଇଥିଲେ ବୋଲି ବକ୍ତାମାନେ ମତ ଦେଇଥିଲେ ।ଅତିଥି ପରିଚୟ ସତ୍ୟ ନାରାୟଣ ବେହେରା ଦେଇଥିବା ବେଳେ ଶେଷରେ ଜାଗ୍ରତ କନ୍ଧମାଳର ସହ ସଂପାଦକ ରମେଶ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।
