ବୌଦ୍ଧ: ମହୁମାଛି ଆକ୍ରମଣରେ ୧୨ ଜଣ ଗୁରୁତର । କଣ୍ଟାମାଳ ବ୍ଲକ ଦପଳା ପଞ୍ଚାୟତ ବଉଲସିଙ୍ଗା ଅଙ୍ଗନୱାଡ଼ି କେନ୍ଦ୍ରରେ ଗୋଡ଼ାଇ ଗୋଡ଼ାଇ ଆକ୍ରମଣ କଲା ମହୁମାଛି । ଅଙ୍ଗନୱାଡ଼ି ଦିଦି ଓ ରୋଷେୟା ସମେତ ୧୦ ଜଣ ଶିଶୁ ଗୁରୁତର ଅବସ୍ଥାରେ ସୋନପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି । ସୂଚନା ଅନୁଯାୟୀ ବୌଦ୍ଧ ଜିଲା କଣ୍ଟାମାଳ ବ୍ଲକ ଦପଳା ପଞ୍ଚାୟତ ବଉଲସିଙ୍ଘା ପ୍ରାଥମିକ ବିଦ୍ୟାଳୟ ଓ ଅଙ୍ଗନବାଡ଼ି କେନ୍ଦ୍ରରେ ଥିବା ବରଗଛରେ ଶତାଧିକ ମହୁମାଛି ବସା କରିଥିବାବେଳେ ଆଜି ପିଲାଙ୍କ ପାଇଁ ବିପଦର କାରଣ ହୋଇଛି ।
କୌଣସି କାରଣ ବଶତଃ ମହୁମାଛିମାନେ ଅତର୍କିୟ ଭାବେ ଅଙ୍ଗନବାଡି ଓ ପ୍ରାଥମିକ ବିଦ୍ୟାଳୟର ୧୦ ଜଣ ଛାତ୍ରଛାତ୍ରୀଙ୍କୁ ଆକ୍ରମଣ କରିଥିବା ବେଳେ ଜଣେ ଅଙ୍ଗନୱାଡ଼ି ଦିଦି ଓ ଜଣେ ରୋଷେୟାଙ୍କୁ ମଧ୍ୟ ଆକ୍ରମଣ କରିଛନ୍ତି । ମହୁମାଛି ଆକ୍ରମଣରେ ଆହତ ହୋଇଥିବା ସମସ୍ତଙ୍କୁ ସୋନପୁର ମୁଖ୍ୟଚିକିତ୍ସାଳୟ ଭର୍ତ୍ତି କରାଯାଇଛି । ଅନ୍ୟ ପକ୍ଷରେ ଏହାର ପ୍ରତିକାର ପାଇଁ ଅଭିଭାବକ ଓ ଶିକ୍ଷକମାନେ ଦାବି କରିଛନ୍ତି ।
