କେନ୍ଦୁଝର : କେନ୍ଦୁଝର ଜିଲ୍ଲା ବାଂଶପାଳ ବ୍ଲକ୍ କୁମୁଣ୍ଡି ପଞ୍ଚାୟତ ଉରୁମୁଣ୍ଡା ଗ୍ରାମରେ ବୃଦ୍ଧାଙ୍କୁ ହତ୍ୟା । ଗତକାଲି ବିଳମ୍ବିତ ରାତିରେ ଘଟିଛି ଏହି ହତ୍ୟାକାଣ୍ଡ । ମୃତକ ଜଣଙ୍କ ରତନୀ ଦେହୁରୀ ବୋଲି ଜଣାପଡ଼ିଛି । ସୂଚନାନୁସାରେ ସୋମବାର କିଛି ଯୁବକ ରତନୀଙ୍କ ଘରେ ପଶି ତାଙ୍କୁ କାଠ ଫାଳିଆରେ ଆକ୍ରମଣ କରି ହତ୍ୟା କରିଥିଲେ ।
ଏହାକୁ ଦେଖି ସ୍ଥାନୀୟ ଲୋକେ ଆସିଯିବାରୁ ସମ୍ପୃକ୍ତ ଯୁବକମାନେ ଦୌଡ଼ି ପଳାଇବାକୁ ଉଦ୍ୟମ କରିଥିଲେ । ହେଲେ ଉକ୍ତ ଘଟଣାରେ ସମ୍ପୃକ୍ତ ଥିବା ଜଣକୁ ଗ୍ରାମବାସୀ ଧରିପକାଇଥିଲେ । ତେବେ ହତ୍ୟାକାଣ୍ଡର କାରଣ ଜଣା ପଡ଼ିନଥିବା ବେଳେ ଲୋକେ ଏନେଇ ପୁଲିସକୁ ଖବର ଦେଇଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଗ୍ରାମବାସୀଙ୍କ ଦ୍ଵାରା ଅଟକ ଥିବା ଯୁବକକୁ ଗିରଫ କରିଛି ।
