ମାଲକାନଗିରି,୧୪|୧ : ମାଲକାନଗିରି ଜିଲ୍ଲା ସଦର ମହକୁମାସ୍ଥିତ ସୁବାସ ବୋଷ ଛକ ନିକଟରେ ରାଷ୍ଟ୍ରୀୟ ସ୍ବୟଂ ସେବକ ସଂଘ ପକ୍ଷରୁ ଆଜି ମକର ସଂକ୍ରାନ୍ତି ଉତ୍ସବ ଅନୁଷ୍ଟିତ ହୋଇଯାଇଛି । ସଂଘର ନଗର ବୌଦ୍ଧିକ ପ୍ରମୁଖ ବିଘ୍ନରାଜ ସାହୁଙ୍କ ଅଧକ୍ଷତାରେ ଅନୁଷ୍ଟିତ ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ଜି. ଶ୍ରୀନିବାସ ରାଓ, ମୁଖ୍ୟ ବକ୍ତା ଭାବେ ସଂଘର ଜିଲ୍ଲା ସମ୍ପର୍କ ପ୍ରମୁଖ ଶଶୀ ଭୂଷଣ ମିଶ୍ର ଓ ନଗର କାର୍ଯ୍ୟବାହ ହରିହର କୁର୍ମୀ ଯୋଗ ଦେଇ ମକର ସଂକ୍ରାନ୍ତି ପାଳନର ମହାନ ପରମ୍ପରା ଉପରେ ଆଲୋକପାତ କରିଥିଲେ । ଏଥିରେ ସଂଘର ବହୁ କର୍ମକର୍ତ୍ତା, ସଦସ୍ୟଙ୍କ ସହ ବୁଦ୍ଧିଜୀବୀ ଉପସ୍ଥିତ ଥିଲେ ।
