ମଛେନ୍ଦ୍ର ସ୍ମାରକୀ କ୍ରିକେଟ ଟୁର୍ଣ୍ଣାମେଣ୍ଟ : ବ୍ୟାଘ୍ରଦେବୀ କ୍ରିକେଟ କ୍ଳବ, ଭଞ୍ଜନଗର ଦଳ ୧୯ ରନରେ ଦଳ ବିଜୟୀ

ହିଞ୍ଜିଳିକାଟୁ : ହିଞ୍ଜିଳିକାଟୁ ଇଗଲ କ୍ରିକେଟ କ୍ଳବ ଆନୁକୂଲ୍ୟରେ ସ୍ଥାନୀୟ ପୌରାଞ୍ଚଳ ମିନି ଷ୍ଟାଡିୟମ ପରିସରେ ମଛେନ୍ଦ୍ର ସ୍ମ।।ରକୀ କ୍ରିକେଟ ଟୁର୍ଣ୍ଣାମେଣ୍ଟର ୬ଷ୍ଠ ଲିଗ ମ୍ୟାଚ୍ ସୋମବାର ବ୍ୟାଘ୍ରଦେବୀ କ୍ରିକେଟ କ୍ଳବ, ଭଞ୍ଜନଗର ଓ ପାଇନିଅର କ୍ରିକେଟ କ୍ଳବ, ବେଗୁନିଆପଡା ମଧ୍ୟରେ ଅନୁଷ୍ଠିତ ହୋଇଥିଲା । ବେଗୁନିଆପଡା ଦଳ ଟସ୍ ଜିତି ପ୍ରଥମେ ବୋଲିଂ କରିବାର ନିଷ୍ପତି ନେଇ ଭଞ୍ଜନଗର ଦଳକୁ ବ୍ୟାଟିଂ କରିବା ପାଇଁ ଆମନ୍ତ୍ରିତ କରିଥିଲା । ଭଞ୍ଜନଗର ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୭ଟି ୱିକେଟ ହରାଇ ୨୧୧ ରନ୍ ସଂଗ୍ରହ କରିଥିଲେ । ଦଳପକ୍ଷରୁ ଲିଙ୍କନ ୪୭ରନ୍ ଓ ସୁବ୍ରତ ୩୨ ରନ୍ ସଂଗ୍ରହ କରିଥିଲେ । ଜବାବରେ ବିପକ୍ଷ ବେଗୁନିଆପଡା ଦଳ ନିର୍ଦ୍ଧାରିତ ଓଭରରେ ୧୯୨ ରନ୍ ସଂଗ୍ରହ କରିଥିଲେ । ଫଳରେ ଭଞ୍ଜନଗର ଦଳ ୧୯ ରନରେ ବିଜୟ ଲାଭ କରିଥିଲା । ଭଞ୍ଜନଗର ଦଳର ସୁବ୍ରତ ୩୯ ରନ୍ ସଂଗ୍ରହ କରିବା ସହ ଗୋଟିଏ ୱିକେଟ ହାସଲ କରିଥିଲେ ଏବଂ ୨ଟି କ୍ୟାଚ୍ ଧରିଥିବାରୁ ତାଙ୍କୁ ଶ୍ରେଷ୍ଠ ଖେଳାଳୀ ଭାବେ ବିବେଚିତ କରାଯାଇଥିଲା । ଆମ୍ପାୟର ଭାବେ ପ୍ରଶାନ୍ତ ପାଢି ଓ ପ୍ରଶାନ୍ତ ପ୍ରଧାନ ମ୍ୟାଚ୍ ପରିଚାଳନା କରିଥିଲେ । ରଜତ ପ୍ରଧାନ ସ୍କୋରର ଓ ସୁମନ ସାହୁ ଧାରା ବିବରଣୀ ପ୍ରଦାନ କରିଥିଲେ । ସୁକାନ୍ତ ପାତ୍ର, ସିମାଞ୍ଚଳ ପାଣିଗ୍ରାହୀ, ଶ୍ରୀତମ ପ୍ରଧାନ, ଟିକୁ ମହାରଣା, ସୁରଜ ସୁବୁଦ୍ଧି, ଉମା ମହାରଣା, ନିଳାମ୍ବର ସାହୁ ପ୍ରମୁଖ ସହଯୋଗ କରିଥିଲେ ।