ଚିତ୍ରକୋଣ୍ଡା -: ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଠାରେ ପାଳିତ ହୋଇ ଯାଇଛି ଶ୍ରୀ ଆୟପ୍ପା ସ୍ୱାମୀ ଙ୍କ ପଡ଼ି ପୂଜା ମହୋତ୍ସବ । ଆୟପ୍ପା ସ୍ୱାମୀଙ୍କ ମାଳା ଧାରୀ ଶ୍ରଦ୍ଧାଳୁ ଙ୍କ ସମେତ ଚିତ୍ରକୋଣ୍ଡା ସ୍ଥାନୀୟ ଅଞ୍ଚଳର ବହୁ ଶ୍ରଦ୍ଧାଳୁ ଏହି ପୂଜାର ଆନନ୍ଦ ନେଇଥିଲେ । ପଡ଼ୋଶୀ ଆନ୍ଧ୍ରପ୍ରଦେଶ ରୁ ଏବଂ ବାଲିମେଳା, ମାଲକାନଗିରି ଠାରୁ ମଧ୍ୟ ବହୁ ଭକ୍ତ ସମାଗମ ହୋଇଥିଲେ । ଖୁସି ମନରେ ସ୍ୱାମୀଙ୍କ ଏହି ପଡ଼ି ପୂଜା ଦର୍ଶନ ପାଇଁ ଛୁଟି ଆସିଥିଲେ ବହୁ ଶ୍ରଦ୍ଧାଳୁ । ଦିନର ଆରମ୍ଭରେ ଗଣେଶ ଙ୍କ ଅର୍ଚ୍ଚନା କରାଯାଇ ଆୟପ୍ପା ସ୍ୱାମୀଙ୍କ ଅଭିଷେକ କରାଯାଇଥିଲା । ଦିନ ୯ ଘଟିକା ସମୟରେ ହୋମ କରାଯାଇ ଲଳିତା ଦେବୀଙ୍କ କୁମକୁମ ପୂଜା କରାଯାଇଛି । ସନ୍ଧ୍ୟା ସମୟରେ ସ୍ୱାମୀଙ୍କୁ ନଗର ପରିକ୍ରମା କରାଯାଇଥିଲା ଯଥାବିଧି ପୂଜା କାର୍ଯ୍ୟ କରାଯାଇଥିଲା । ସନ୍ଧ୍ୟା ସମୟରେ ଭକ୍ତଙ୍କ ବହୁ ଭିଡ଼ ଦେଖିବାକୁ ମିଳିଥିଲା । ସୁଦୂର ବିଶାଖାପାଟଣା ରୁ ଆସିଥିବା ଭକ୍ତ ମାନଙ୍କ ଗହଣରେ ସ୍ଵାମୀ ଆୟପ୍ପାଙ୍କ ଭଜନ କୀର୍ତ୍ତନ ରେ ଏକ ଭାବ ଭକ୍ତିମୟ ପରିବେଶ ସୃଷ୍ଟି ହୋଇଥିଲା । ବିଭିନ୍ନ ପ୍ରକାର ଆଡମ୍ବର ଯୁକ୍ତ ସାମଗ୍ରୀ ସାଙ୍ଗକୁ ବହୁ ପ୍ରଜାତିର ପୁଷ୍ପ ଦ୍ୱାରା ସ୍ୱାମୀ ଆୟପ୍ପା ଙ୍କ ବିଗ୍ରହ ଓ ମନ୍ଦିର ଆକର୍ଷଣୀୟ ହୋଇଥିଲା । ନାଚ ଗୀତରେ ସମସ୍ତ ଉପସ୍ଥିତ ଶ୍ରଦ୍ଧାଳୁ ନିଜକୁ ଭକ୍ତିରେ ଲୀନ କରିନେଇଥିଲେ । ପରିଶେଷରେ ସର୍ବସାଧାରଣଙ୍କ ନିମିତ୍ତ ପ୍ରସାଦ ବ୍ୟବସ୍ଥା କରାଯାଇଥିଲା ।
