ଚିତ୍ରକୋଣ୍ଡା : ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଠାରେ ଥିବା ମୋଡ ନାମକ ସ୍ୱେଚ୍ଛାସେବୀ ସଂଗଠନ ଆନୁକୂଲ୍ୟରେ ଅନୁଷ୍ଠିତ ହୋଇଯାଇଛି ଏକ ସଚେତନତା କାର୍ଯ୍ୟକ୍ରମ । ଦୁଇଦିନିଆ କାର୍ଯ୍ୟକ୍ରମ ମଧ୍ୟରେ ପ୍ରଥମ ଦିନ ଗ୍ରାମୀଣ ସ୍ତରରେ ବୈଠକ ମାଧ୍ୟମରେ ପାପରମେଟଲା ପଞ୍ଚାୟତ ଭିମାରାମ ଗ୍ରାମରେ ସଚେତନ କରାଯାଇଥିଲା । ଦ୍ୱିତୀୟ ଦିନରେ ତୃଣମୂଳ ସ୍ତରରେ ସମସ୍ତ ଆଦିବାସୀ ଅଞ୍ଚଳର ଲୋକେ କେମିତି ନିଜକୁ ସଚେତନ କରିପାରିବେ ସେ ନେଇ ମୋଡ ସଂସ୍ଥାର ସମସ୍ତ କର୍ମକର୍ତ୍ତାଙ୍କୁ ତାଲିମ ପ୍ରଦାନ କରାଯାଇଥିଲା । ଶିଶୁ ମାନଙ୍କୁ ଶିକ୍ଷା ଅଧିକାର ଦେଇ ଶିଶୁ ଶ୍ରମିକ ଉଛେଦ କରିବା, ବାଲ୍ୟ ବିବାହ ଓ ବିଦ୍ୟାଳୟରୁ ଡ୍ରପଆଉଟ ବନ୍ଦ କରିବା, ଗୃହ ମଧ୍ୟରେ ବିବାଦ ନ କରିବା ଭଳି ଉଲ୍ଲେଖନୀୟ ବିଷୟକୁ ନେଇ ସଚେତନତା କରାଇଥିଲେ । କାର୍ଯ୍ୟକ୍ରମରେ ହାଇଦ୍ରାବାଦ ସ୍ଥିତ ମାଇଁ ଚୟସ ଫାଉଣ୍ଡସନ ତରଫରୁ ଭିଭିଏନ ଏନଥୋନୀ ଆଇଜାକ ଏବଂ ସୁଶୀଳା ସୋନୱାଲ ଯୋଗ ଦେଇଥିଲେ । ମୋଡ ସଂସ୍ଥା ତରଫରୁ ଉମି ଜୟପାଲ କାର୍ଯ୍ୟକ୍ରମ ଟିକୁ ପରିଚାଳନା କରିଥିଲେ । ଏହି କାର୍ଯ୍ୟକ୍ରମ କୁ ସାଧାରଣ ରେ ପ୍ରଶଂସା କରିଛନ୍ତି ।
