ନବରଙ୍ଗପୁର : ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ରେ କାର୍ଯ୍ୟରତ କନିଷ୍ଠ ଯନ୍ତ୍ରୀ ବ୍ରଜ ବିହାରୀ ମହାକୁଡ଼ ଙ୍କୁ ମରଣାନ୍ତକ ଆକ୍ରମଣ ହୋଇଥିବା ଅଭିଯୋଗ ହୋଇଛି ! ଏନେଇ ତେନ୍ତୁଳିଖୁଣ୍ଟି ଥାନାରେ ଲିଖିତ ଅଭିଯୋଗ ପରେ ପୁଲିସ ତଦନ୍ତ ଆରମ୍ଭ କରିଛି !
ଅଭିଯୋଗ ଅନୁଯାୟୀ କନିଷ୍ଠ ଯନ୍ତ୍ରୀ ଶ୍ରୀ ମହାକୁଡ଼ ଆଜି ମଧ୍ୟାହ୍ନ ସମୟରେ ବ୍ଲକ କାର୍ଯ୍ୟାଳୟ ରେ ସରକାରୀ କାମ କରୁଥିଲେ ! ଏହି ସମୟରେ କିଛି ଯୁବକ ଆସି ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହ ହାତରେ ପିନ୍ଧିଥିବା ବଳା ସାହାଯ୍ୟ ରେ ମୁଣ୍ଡକୁ ବାରମ୍ବାର ପ୍ରହାର କରିଥିଲେ !ଯନ୍ତ୍ରୀଙ୍କ ମୁଣ୍ଡ ଫାଟି ପ୍ରବଳ ରକ୍ତ ସ୍ରାବ ହୋଇଥିଲା ! ବ୍ଲକ କର୍ମଚାରୀ ଙ୍କ ସହାୟତାରେ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିବା ଯନ୍ତ୍ରୀ ଙ୍କୁ ତେନ୍ତୁଳିଖୁଣ୍ଟି ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ଚିକିତ୍ସା କରାଯାଇଛି ! ଚିକିତ୍ସା ପରେ ଯନ୍ତ୍ରୀଙ୍କ ସ୍ୱାସ୍ଥ୍ୟାବସ୍ତା
ସ୍ୱାଭାବିକ ଥିବା ଜଣାପଡିଛି ! ତେନ୍ତୁଳିଖୁଣ୍ଟି ଗୋଷ୍ଟି ଉନ୍ନୟନ ଅଧିକାରୀ ମନୋଜ ପାଣିଗ୍ରାହୀ ଙ୍କୁ ଏ ସମ୍ପର୍କରେ ଅବଗତ କରାଯାଇଛି ! ଗୋଷ୍ଠୀ ଉନ୍ନୟନ ଅଧିକାରୀ ଙ୍କ ପରାମର୍ଶ କ୍ରମେ ଯନ୍ତ୍ରୀ ଶ୍ରୀ ମହାକୁଡ଼ ତେନ୍ତୁଳିଖୁଣ୍ଟି ଥାନାରେ ଲିଖିତ ଅଭିଯୋଗ କରିଛନ୍ତି ! ଏନେଇ ତେନ୍ତୁଳିଖୁଣ୍ଟି ଥାନା କେଶ ନଂ୧୮୯/୨୪ ଅନୁଯାୟୀ ଏକ ମାମଲା ରୁଜୁ ହୋଇଥିବା ବେଳେ ତଦନ୍ତ ଆରମ୍ଭ ହୋଇଥିବା ଥାନା ଅଧିକାରୀ ଗୋପାଳ କୃଷ୍ଣ ଆଗୁପାତ୍ର ପ୍ରକାଶ କରିଛନ୍ତି ! ଅନ୍ୟପଟେ ଏହି ଘଟଣା ସମ୍ପର୍କ ରେ ଇଞ୍ଜିନିଅର ସଙ୍ଘ ଙ୍କୁ ଅବଗତ କରାଯାଇଛି ! ସଂଘର ନିର୍ଦେଶକ୍ରମେ ଆଗାମୀ ପଦକ୍ଷେପ ଗ୍ରହଣ କରାଯିବ ବୋଲି ତେନ୍ତୁଳିଖୁଣ୍ଟି ବ୍ଲକ ଯନ୍ତ୍ରୀ କ୍ରାନ୍ତି କୁମାର ପଟ୍ଟନାୟକ,ବିକାଶ କୁମାର ବାରା ପ୍ରକାଶ କରିଛନ୍ତି !
