ଫୁଲବାଣୀ : ବିଜେଡ଼ି ନେତା ତଥା ପୂର୍ବତନ କାଉନସିଲର ଭାଗବତ ବେହେରାଙ୍କ ପରଲୋକ ରେ ବିଜୁ ଜନତା ଦଳ ପକ୍ଷରୁ ଡ୍ୟାନ୍ସ ଏକାଡେମୀ ପରିସରରେ ଏକ ଶୋକସଭା ଅନୁଷ୍ଠିତ ହୋଇଯାଇଛି।ପୂର୍ବତନ ବିଜେଡି ଜିଲ୍ଲା ସଭାପତି ସରୋଜ କର୍ଣ୍ଣଙ୍କସଭାପତିତ୍ବ ରେ ଅନୁଷ୍ଠିତ ହୋଇଥିଲା l
ପ୍ରଥମେ ଫଟୋ ଚିତ୍ରରେ ଶ୍ରଦ୍ଧାଞ୍ଜଳୀ ଜ୍ଞାପନ କରିବା ପରେ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା। ବିଜୁ ଜନତା ଦଳର ବରିଷ୍ଠ କର୍ମୀ ତଥା ଆଇନଜିବୀ ଶିବ ପ୍ରସାଦ ତ୍ରିପାଠୀ, ପ୍ରତାପ ପାତ୍ର,ବୀଣା ପାଣି ପ୍ରଧାନ, କମଳ ବେହେରା, ବିମଳ ପାଢି, ପୂର୍ବତନ କାଉନସିଲର ପ୍ରଦୀପ ମୁନି, ସୁନୀଲ ସେଠି, ବିରେନ୍ଦ୍ର କହଁର, ପୁନମ କହଁର, ରବିନ୍ଦ୍ର ଷଡଙ୍ଗୀ, ପାର୍ଥ ସାରଥି ବିଶ୍ଵାଳ, କାଉନ୍ସିଲର ମାଧବୀ ମିଶ୍ର, ଦାରୁଣ ବେହେରା, ଚିନ୍ତା ମଣି ଦାସ, ପ୍ରମୁଖଙ୍କ ସମେତ ଅନେକ ତାଙ୍କର ସ୍ମୃତି ଚାରଣ କରିଥିଲେ। ସ୍ବର୍ଗତ ବେହେରା ଜଣେ ଦକ୍ଷ ସଂଗଠକ, ସମାଜସେବୀ, ପରୋପକାରୀ,ମିଷ୍ଟ ଭାଷୀ ବ୍ୟକ୍ତି ଥିଲେ । ବିଜୁ ଜନତା ଦଳ ପ୍ରତି ତାଙ୍କର ଅବଦାନ ଓ ସହଭାଗିତାକୁ ମନେ ପକାଇଥିଲେ ସମସ୍ତେ ।ଗଭୀର ଶୋକ ବ୍ୟକ୍ତ କରିବା ସହିତ ତାଙ୍କ ଅମର ଆତ୍ମାର ସଦ୍ଗତି କାମନା କରିଥିଲେ। ସୂଚନାଯୋଗ୍ୟ ଯେ ପୌରପାଳିକାର ପୂର୍ବତନ କାଉନସିଲର ତଥା ବିଜେଡି ନେତା ସ୍ବର୍ଗତ ଭାଗବତ ବେହେରାଙ୍କ ମଙ୍ଗଳବାର ରାତିରେ ଚିକିତ୍ସିତ ଅବସ୍ଥାରେ ଭୁବନେଶ୍ୱରରେ ପରଲୋକହୋଇଯାଇଥିଲା।
