ଫୁଲବାଣୀ : ସ୍ଥାନୀୟ ନାରାୟଣୀ ମନ୍ଦିରକୁ ଯିବା ରାସ୍ତା ନିକଟରେ ଥିବା ମଶାଣି ଭିତରେ ବହୁ ଦିନରୁ ଖାଲ ଢିପ, ଉଚାବଚ, ଅଳିଆ ଆବର୍ଜନା ରେ ଭରପୁର ହୋଇ ପଡ଼ି ରହିଥିଲା l ତାହାକୁ ସଫେଇ କାର୍ଯ୍ୟ କରିବା ପାଇଁ ନିଷ୍ପତ୍ତି ନେଇଥିଲେ କିଛି ଯୁବ ସାମାଜସେବୀ l ସେମାନେ ହେଲେ ଫୁଲବାଣୀ ଉପ ପୌରାଧ୍ୟକ୍ଷା ପାୟଲ ବେହେରାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏବଂ ୭ ନମ୍ବର ୱାର୍ଡର କାଉନ୍ସିଲର ଟୁନି ସେଠୀ ୧୧ ନମ୍ଵର୍ ୱାର୍ଡର କାଉନ୍ସିଲର ବସନ୍ତ ସାହାଣୀ, ବିକ୍ରମ ବେହେରା ଓ ଠୁକୁନ୍ଦର ସେଠୀଙ୍କ ଉପସ୍ଥିତରେ ଜେସିବି ଲଗାଇ ମଶାଣି ସଫା ସୁତୁରା କାର୍ଯ୍ୟ କରିଥିଲେ l ଫଳରେ ଏବେ ଉକ୍ତ ମଶାଣି ବହୁତ ସୁନ୍ଦର ଦେଖା ଯାଉଥିବା ବେଳେ ଆଗାମୀ ବର୍ଷା ରୁତୁରେ ମଶାଣି ଚତୁଃପାର୍ଶ୍ୱରେ ବୃକ୍ଷ ରୋପଣ କରିବା ପାଇଁ ନିଷ୍ପତ୍ତି ନିଆଯାଇଛି ବୋଲି ପୌର ଉପାଧ୍ୟକ୍ଷା ପାୟଲ ବେହେରା କହିଛନ୍ତି l ଏହି କାର୍ଯ୍ୟ ପାଇଁ ଯୁବସମାଜ ସେବୀମାନେ ବୁଦ୍ଧିଜିବୀ ମହଲରେ ପ୍ରଶଂସିତ ହୋଇଛନ୍ତି l
