ବୀରମିତ୍ରପୁର : ସୁନ୍ଦରଗଡ଼ ଜିଲ୍ଲାର ରାଏବଗା ଥାନା ଅଧୀନରେ ଥିବା ଖଇରବାହାର ସରଣା ଛୋକ ଉପରେ ଗୋଟିଏ ସ୍କୁଟି ଚଳିତ ମାସ ୨୪ ତାରିଖ ଦିନ ଶୁକ୍ରବାର ପ୍ରାୟ ୪.୩୦ ରେ ରାଏବଗା ପଟୁ ଦୃତ ଗତିରେ ଆସି ଛିଡ଼ା ହୋଇ ଥିବା ସୋନୁ କୁମାର ଟେଟେ (୨୪)ଙ୍କୁ ପଛ ପଟୁ ଧକ୍କା ଦେବାଫଳରେ ରାସ୍ତା ଉପରେ ଛିଟିକି ପଡ଼ି ଚେତାଶୂନ୍ୟ ହୋଇ ଗୁରୁତର ହେଇଥିଲେ | ସଙ୍ଗେ ସଙ୍ଗେ ସ୍ଥାନୀୟ ଲୋକଙ୍କ ସହଯୋଗରେ ୧୦୮ ଆମ୍ବୁଲାନ୍ସ ଯୋଗେ ରାଉଲକେଲା ଘରଇ ଜୟପ୍ରକାଶ ହସ୍ପିଟାଲରେ ଚିକିତ୍ସା ପାଇଁ ଭର୍ତି କରିଥିଲେ | ସୋନୁଙ୍କ ମୁଣ୍ଡରେ ଅଧିକ ଆଘାତ ହେବାରୁ ପ୍ରବଳ ରକ୍ତ ସ୍ରାବ ହୋଇଥିବାରୁ ତିନି ଦିନ ଧରି କୋମାରେ ଥିବା ଜଣା ପଡି ଥିଲା | ଆଜି ଚିକିତ୍ସିତ ଅବସ୍ଥାରେ ସୋନୁଙ୍କ ମୃତ୍ୟୁ ଘଟିଥିବା ଜଣା ପଡ଼ିଛି | ଏହା ନେଇ ରାଏବଗା ପଞ୍ଚାୟତ ଅନ୍ତର୍ଗତ ଚନାବାହାର ଗ୍ରାମରେ ଶୋକର ଛାୟା ଖେଳିଯାଇଛି | ପରିବାର ଲୋକେ ରାଏବଗା ଥାନାରେ ଏକ ଲିଖିତ ଅଭିଯୋଗ କରିଥିଲେ | ଥାନା ଅଧିକାରୀ ଜ୍ୟୋତିରଞ୍ଜନ ପତିଙ୍କ ନିର୍ଦ୍ଦେଶ କ୍ରମେ ଏସ ଆଇ ପ୍ରହଲ୍ଲାଦ କୁମାର ପ୍ରଧାନ ଘଟଣା ସ୍ଥଳରେ ପହଞ୍ଚି ସ୍କୁଟି ଓ ଶବକୁ ଜବତ କରି ତଦନ୍ତ ଆରମ୍ଭ କରିଛି |
