ଫୁଲବାଣୀ : ଚଳିତ ସାଧାରଣ ନିର୍ବାଚନ ଫୁଲବାଣୀ(ସଂ-ଆଦି ବାସୀ) ବିଧାନସଭା ଆସନରେ ଆଜିଥିଲା ପ୍ରାର୍ଥୀପତ୍ର ଦାଖଲର ଚତୁର୍ଥ ଦିବସ । ଫୁଲବାଣୀ ଉପଜିଲ୍ଲାପାଳ ତଥା ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ସୂତ୍ରରୁ ମିଳିଥିବା ସୂଚନା ଅନୁସାରେ ଏହି ଆସନ ପାଇଁ ସମୁଦାୟ ତିନି ଜଣ ପ୍ରାର୍ଥୀପତ୍ର ଦାଖଲ କରିଛନ୍ତି । ଆଜି ପ୍ରାର୍ଥୀପତ୍ର ଦାଖଲ କରିଥିବା ପ୍ରମୂଖ ପ୍ରାର୍ଥୀ ମାନଙ୍କ ମଧ୍ୟରେ ଅଛନ୍ତି ପୂର୍ବତନ ବିଧାୟକ ଦେବେନ୍ଦ୍ର କହଁର l ସେ ସାମାଜବାଦୀ ଦଳ ପକ୍ଷରୁ ସ୍ଵାଧୀନ ଭାବେ ସାଇକେଲ ଚିହ୍ନରେ ତାଙ୍କର ହଜାର ହଜାର ସମର୍ଥକଙ୍କ ସହ ବାଜା ବାଜଣା ଓ ଶୋଭାଯାତ୍ରାରେ ଆସି ଉପଜିଲ୍ଲାପାଳ କାର୍ଯ୍ୟାଳୟରେ ନାମାଙ୍କନ ପ୍ରାର୍ଥୀପତ୍ର ଦାଖଲ କରିଛନ୍ତି । ସେହିପରି ଆମ ବିକାଶ ଦଳ(ଆଞ୍ଚଳିକ ଦଳ ) ପକ୍ଷରୁ ହିମାଂଶୁ କହଁର ମଧ୍ଯ ଆଜି ନାମାଙ୍କନ ପତ୍ର ଦାଖଲ କରିଛନ୍ତି l
ଉପଜିଲ୍ଲାପାଳଙ୍କ କାର୍ଯ୍ୟାଳୟ ସାମନା ରାସ୍ତା ଦଳିୟ କର୍ମୀ ଓ ଦେଖଣାହାରୀଙ୍କ ଦ୍ୱାରା ଲୋକାରଣ୍ୟ ହୋଇଯାଇଥିଲା l ତେବେ ଆଜିର ଚତୁର୍ଥ ଦିବସ ପ୍ରାର୍ଥୀପତ୍ର ଦାଖଲ ପକ୍ରିୟା ଶାନ୍ତି ଶୃଙ୍ଖଳାର ସହ ଶେଷ ହୋଇଥିବା ନିର୍ବାଚନ ଅଧିକାରୀ ତଥା ଉପଜିଲ୍ଲାପାଳ ଚିତ୍ତରଂଜନ ମହାନ୍ତ ସୂଚନା ଦେଇଛନ୍ତି l
