ହିଞ୍ଜିଳିକାଟୁ ଶ୍ରୀ ଶ୍ରୀ ଦେଵଶିଳ୍ପୀ ବିଶ୍ଵକର୍ମା ଜୀର୍ଣ୍ଣୋଧାର ମନ୍ଦିର ଓ ନୂତନ ବିଗ୍ରହ ପ୍ରତିଷ୍ଠା ଉପଲକ୍ଷେ ଭବ୍ୟ କଳସ ଯାତ୍ରା ଅନୁଷ୍ଠିତ

ହିଞ୍ଜିଳିକାଟୁ ୨୮/୩ : ହିଞ୍ଜିଳିକାଟୁ ପୌରପରିଷଦ ଅନ୍ତର୍ଗତ ମିନି ଷ୍ଟାଡିୟମ ନିକଟ ଏନ୍ ହେଚ ୫୯ରାସ୍ତା କଡସ୍ଥିତ ଶ୍ରୀ ଶ୍ରୀ ଦେବଶିଳ୍ପୀ ବିଶ୍ଵକର୍ମା ଙ୍କ ଜୀର୍ଣ୍ଣୋଧାର ମନ୍ଦିର ଓ ନୂତନ ବିଗ୍ରହ ପ୍ରତିଷ୍ଠା ଉତ୍ସବ ୨୮ ତାରିଖ ଗୁରୁବାର ଠାରୁ ଆରମ୍ଭ ହୋଇ ୧ ତାରିଖ ସୋମବାର ପର୍ଯ୍ୟନ୍ତ ଅନୁଷ୍ଠିତ ହେବ । ଏହି ଉପଲକ୍ଷେ ଗୁରୁବାର ପ୍ରଥମ ଦିନରେ ମଣ୍ଡଳ କରଣ, ଦୀକ୍ଷା ଗ୍ରହଣ , ଅଙ୍କୁର ରୋପଣ ସହିତ ହିଞ୍ଜିଳିକାଟୁ ଘୋଡାହଡ ନଦୀରୁ ଭବ୍ୟ କଳସ ଯାତ୍ରାରେ ପୂର୍ବଖଣ୍ଡ ତାଲୁକା ସମାଜ ର ବହୁ ସଂଖ୍ୟାରେ ମହିଳା ପୁରୁଷମାନେ ସାମିଲ ହୋଇ ସଂକୀର୍ତ୍ତନ ମଣ୍ଡଳୀ ସହିତ ଭବ୍ୟ କଳସରେ ପାଣି ଆଣି ପୁର୍ବଖଣ୍ଡ ତାଲୁକା ବିଶ୍ଵକର୍ମା ମନ୍ଦିରରେ ପହଞ୍ଚି କଳସ ଗୁଡିକ ସ୍ଥାପନ କରିଥିଲେ। ଏହି ପ୍ରତିଷ୍ଠା ଉତ୍ସବ କାର୍ଯ୍ୟକ୍ରମରେ କର୍ତ୍ତା ଭାବେ ସିମାଞ୍ଚଳ ମହାରଣା ଓ ତାଙ୍କ ଧର୍ମପତ୍ନି ସୂପ୍ରଭା ମହାରଣା କାର୍ଯ୍ୟ ତୁଲାଇଥିଲେ । କାର୍ଯ୍ୟକ୍ରମରେ ପୁର୍ବଖଣ୍ଡ ତାଲୁକା ବିଶ୍ଵକର୍ମା ସମାଜ ର ସମସ୍ତ କର୍ମକର୍ତ୍ତା ଯୁବଗୋଷ୍ଠୀ ସମ୍ପୂର୍ଣ୍ଣ ସହଯୋଗ କରିଥିଲେ।