ଛତ୍ରପୁର : ଛତ୍ରପୁର ର ଗ୍ରାମଦେବୀ ମା ରମାୟାଣାମ୍ମା ଠାକୁରାଣୀଙ୍କ ଯାତ୍ରା ନିମନ୍ତେ ବୁଧବାର ଶୁଭ ଖୁଣ୍ଟି ସ୍ଥାପନ ହୋଇଯାଇଛି l ଛତ୍ରପୁର ର ଆରାଧ୍ୟା ଦେବି ମା ଠାକୁରାଣୀଙ୍କ ଠାରୁ ଆଜ୍ଞା ମାଳ ନିମନ୍ତେ ବିଭିନ୍ନ ପୂଜାର୍ଚନା କରାଯାଇଛି l ନୀଳକଣ୍ଠେଶ୍ଵର ସାହି ସ୍ଥିତ ମା ଙ୍କ ଅସ୍ଥାୟୀ ମଣ୍ଡପ ଠାରେ ରୀତି ନୀତି ଅନୁସାରେ ସମସ୍ତ ପ୍ରକାର ପୂଜାର୍ଚନା କରାଯାଇ ଶୁଭଖୁଣ୍ଟି ସ୍ଥାପନ କରାଯାଇଛି l ପ୍ରାରମ୍ଭରେ ପାରମ୍ପରିକ ରୀତି ନୀତି ଅନୁସାରେ ଏକ ବର୍ଣାଢ ଶୋଭାଯାତ୍ରାରେ ଶ୍ରଦ୍ଧାଳୁ ମାନେ ସହର ପରିକ୍ରମା କରି ମା ଙ୍କ ମନ୍ଦିର ନିକଟରେ ପହଂଚି ବିଭିନ୍ନ ପୂଜା କରିଥିଲେ l ଯାତ୍ରା କମିଟିର ମ୍ୟାନେଜର ସି. ଏଚ. ଦୟାନନ୍ଦ ରେଡ୍ଡୀ ଙ୍କ ନେତୃତ୍ୱ ରେ ସମସ୍ତ କମିଟି ର କର୍ମକରର ଓ ସଦସ୍ୟ ଓ ମନ୍ଦିର ପରିଚାଳନା କମିଟି ସଦସ୍ୟ ଏବଂ ଶ୍ରଦ୍ଧାଳୁ ମାନେ ସହଯୋଗ କରିଥିଲେ l
