ଫୁଲବାଣୀ: ଫୁଲବାଣୀସ୍ଥିତ ସରକାରୀ ଶିକ୍ଷକ ପ୍ରଶିକ୍ଷଣ ମହାବିଦ୍ୟାଳୟରେ ତା ୦୫.୦୩.୨୦୨୪ରିଖ ରାଜ୍ୟ ସରକାରଙ୍କ ଦ୍ଵାରା ପ୍ରଦତ୍ତ ନୂଆ-ଓ ଛାତ୍ରବୃତ୍ତି ସାର୍ଟିଫିକେଟ ବଣ୍ଟନ କାର୍ଯ୍ୟକ୍ରମ ମହାବିଦ୍ୟାଳୟ ର ଅଧ୍ୟକ୍ଷ ମଧୁପ ସୁନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମହାବିଦ୍ୟାଳୟ ର ମୋ କଲେଜ ଅଭିଯାନର ସଦସ୍ୟ ଏ. ସରୋଜ କୁମାର ପାତ୍ର ଯୋଗଦାନ କରି ସରକାରଙ୍କ ଏହି ଛାତ୍ରବୃତ୍ତିକୁ ପ୍ରଶଂସା କରିବା ସହ ଏହାର ସଠିକ ବିନିଯୋଗ କରିବାକୁ ପରାମର୍ଶ ଦେଇଥିଲେ । ମହାବିଦ୍ୟାଳୟର ଅଧ୍ୟକ୍ଷ ଛାତ୍ରବୃତ୍ତିର ଆବଶ୍ୟକତା ଓ ଏହାର ସୁ ବିନିଯୋଗ କରିବାକୁ କହିଥିଲେ । ଛାତ୍ରଛାତ୍ରୀମାନେ ମଧ୍ୟ ଏହି ବୃତ୍ତି କୁ କିପରି ବିନିଯୋଗ କରିବେ ତାହା ବର୍ଣ୍ଣନା କରିଥିଲେ । ମୁଖ୍ୟ ଅତିଥି, ଅଧ୍ୟକ୍ଷ ଓ ମହାବିଦ୍ୟାଳୟ ର ଶିକ୍ଷକ ମାନଙ୍କ ଦ୍ଵାରା ସାର୍ଟିଫିକେଟ ବଣ୍ଟନ କରାଯାଇଥିଲା । ନୂଆ-ଓ ଛାତ୍ରବୃତ୍ତିର ନୋଡାଲ ଅଫିସର ଡ଼. ଧନଞ୍ଜୟ ସିଂ କାର୍ଯ୍ୟକ୍ରମ କୁ ପରିଚାଳନା କରିଥିଲେ ଓ ଡ଼. ଆଶୁତୋଷ ମହାନ୍ତି ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ସମସ୍ତ କର୍ମଚାରୀ ଓ ଛାତ୍ରଛାତ୍ରୀ ଉପସ୍ଥିତ ଥିଲେ ।
