ଆର,ଉଦୟଗିରି : ଗଜପତି ଜିଲ୍ଲା ମୋହନା ବ୍ଲକର ସ୍ଥାନୀୟ ବିଜୁ କଲ୍ୟାଣ ମଣ୍ଡପ ଠାରେ ଜିଲ୍ଲା ବିଜେଡି ସଭାପତି ଜଗବନ୍ଧୁ ଦାସ ଙ୍କ ସଭାପତିତ୍ବରେ ଏକ ବୃହତ୍ କର୍ମୀ ସମ୍ମିଳନୀ ଅନୁଷ୍ଠିତ ହୋଇଥିଲା। ଏହି ବୈଠକରେ ବ୍ଲକ ବିଜେଡି ସଭାପତି ତଥା ବ୍ଲକ ଅଧ୍ୟକ୍ଷ ରଞ୍ଜୀବ ଶବର, ଜିଲ୍ଲା ପରିଷଦ ସଭ୍ୟ ଚନ୍ଦ୍ର କୁମାର ମଲ୍ଲିକ, ଏସ ଡି ସି ସଭ୍ୟ ହଡ଼ିଆ କନ୍ଧ, ରାଜୀବ ମଲ୍ଲିକ ଙ୍କ ସମେତ ଅନେକ ସଦସ୍ୟ/ସଦସ୍ୟା, ସରପଞ୍ଚ, ସମିତି ସଭ୍ୟ/ସଭ୍ୟା, ୱାର୍ଡ ସଭ୍ୟ/ସଭ୍ୟା, ବିଜେଡି କର୍ମୀ ପ୍ରମୁଖ ଉପସ୍ଥିତ ରହି ଆଗାମୀ ଦିନରେ ହେବାକୁ ଥିବା ସାଧାରଣ ନିର୍ବାଚନ ପାଇଁ ପ୍ରସ୍ତୁତି ବୈଠକ ସହ ଘରେ ଘରେ ଶଙ୍ଖ କାର୍ଯ୍ୟକ୍ରମ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ୫-ଟି ସହାୟତାରେ ଅନୁଷ୍ଠିତ ହେଉଥିବା ଉନ୍ନୟନ ମୂଳକ କାର୍ଯ୍ୟ ଗୁଡିକର ମଧ୍ୟ ସମୀକ୍ଷା ହୋଇଥିଲା। ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ମାଧ୍ୟମରେ ହେଉଥିବା ସଚେତନତା କାର୍ଯ୍ୟକ୍ରମ ମାଧ୍ୟମରେ ଗାଁ ଗାଁ ରେ ବିକାଶର ଚିତ୍ର ଦେଖାଯାଉଥିବାରୁ ଉପସ୍ଥିତ କର୍ମୀ ନବୀନ ସରକାରଙ୍କ ଉନ୍ନୟନ ମୂଳକ କାର୍ଯ୍ୟ ପ୍ରଶଂସା କରିଥିଲେ। ଏହି ବୈଠକରେ ବିଜେଡି ଜିଲ୍ଲା ସଭାପତି ଜଗବନ୍ଧୁ ଦାସ ଉପସ୍ଥିତ ଥିବା କର୍ମୀ ଓ ନେତାଙ୍କୁ ଆଗାମୀ ଦିନରେ ହେବାକୁ ଥିବା ସାଧାରଣ ନିର୍ବାଚନ ପାଇଁ ପ୍ରସ୍ତୁତି ସହ ବୁଥ କମିଟି ସହ ଯୁବ, ଛାତ୍ର, ମହିଳା ଙ୍କ ସମେତ ବିଭିନ୍ନ କମିଟି ଗଠନ କରି ଗାଁ ଗାଁ ରେ ପ୍ରଚାର ଆରମ୍ଭ କରିବା ନିମନ୍ତେ ଅନୁରୋଧ କରିଥିଲେ। ଏହି ବୈଠକରେ ରାମ ଦଳବେହେରା, ଦଣ୍ଡାସି ସାହୁ, ହରିଶ୍ଚନ୍ଦ୍ର ପାତ୍ର, ଝୁମୁରୀ ବୀର ଙ୍କ ସମେତ ଶତାଧିକ ବରିଷ୍ଟ କର୍ମୀ ଏବଂ ଦଳୀୟ ନେତା ପ୍ରମୁଖ ଉପସ୍ଥିତ ରହିଥିଲେ।
Sign in
Sign in
Recover your password.
A password will be e-mailed to you.