ଦେବଗଡ଼,୨୯ା୧୨:ବାରକୋଟ ବ୍ଲକ ରାଇତାବାହାଳ ଗ୍ରାମ ପଂଚାୟତର ଗରଗଡବାହାଳ ଗ୍ରାମରେ ମା’ ବନ ଦୁର୍ଗା କ୍ରିକେଟ କ୍ଲବ ଆନୁକୂଲ୍ୟରେ ଗତ ସୋମବାର ଠାରୁ ଆରମ୍ଭ ହୋଇଥିବା ପଂଚ ଦିବସୀୟ କ୍ରିକେଟ ପ୍ରତିଯୋଗିତା ଶୁକ୍ରବାର ଉଦଯାପିତ ହୋଇଯାଇଛି । ଆଜିର ଫାଇନାଲ ମ୍ୟାଚରେ ଅନୁଗୁଳ ଜିଲାର ସିଆରିମାଳିଆ କ୍ରିକେଟ କ୍ଲବକୁ ୪୬ ରନରେ ପରାସ୍ତ କରି ଦେବଗଡ ଜିଲାର ଝରବାହାଳ କ୍ରିକେଟ କ୍ଲବ ଚମ୍ପିୟାନ ହୋଇଥିଲା । ଫାଇନାଲ ମ୍ୟାଚକୁ ଅମ୍ପାୟାର ଭାବେ ଗିରିଜା ନନ୍ଦନ ପ୍ରଧାନ, ଧିରେନ କୁମାର ସାହୁ, ଦିପୁ ନାଏକ ଓ ରାକେଶ ସାହୁ ପରିଚାଳନା କରିଥିବା ବେଳେ ଭୈରବ କୁମାର ସାହୁ ମ୍ୟାଚର ଦାରା ବିବରଣି ପ୍ରଦାନ କରିଥିଲେ । ମା’ ବନ ଦୁର୍ଗା କ୍ରିକେଟ କ୍ଲବର ସଭାପତି ନରେଶ ପ୍ରଧାନଙ୍କ ସଭାପତିତ୍ୱରେ ଆୟୋଜିତ ଉଦ୍ଯାପନୀ ତଥା ପୁରସ୍କାର ବିତରଣୀ ଉତ୍ସବରେ ମୂଖ୍ୟ ଅତିଥି ଭାବେ ଦେବଗଡ ପୌର ପରିଷଦ ଅଧ୍ୟକ୍ଷା ଶାନ୍ତି ମଞ୍ଜରୀ ଦେଇ , ସମ୍ମାନିତ ଅତିଥି ଭାବେ ବାରକୋଟ ବ୍ଲକ ଅଧ୍ୟକ୍ଷା ପୁଷ୍ପାଞ୍ଜଳୀ ପାତ୍ର,ରାଇତାବାହାଳ ଗ୍ରାମ ପଂଚାୟତର ସରପଂଚ ରମାକାନ୍ତ ସାହୁ ଓ ରାଇତାବାହାଳ ହାଇସ୍କୁଲର ପ୍ରଧାନ ଶିକ୍ଷକ ସତ୍ୟ ନାରାୟଣ ମହାକୁଳ ଯୋଗଦେଇ ଚମ୍ପିୟାନ ଝରବାହାଳ କ୍ରିକେଟ କ୍ଲବ ଓ ରନର୍ସ ଅପ୍ ସିଆରମାଳିଆ କ୍ରିକେଟ କ୍ଲବକୁ ପୁରସ୍କାର ପ୍ରଦାନ କରିଥିଲେ । ଶେଷରେ ଆୟୋଜକ ମା’ ବନ ଦୁର୍ଗା କ୍ରିକେଟ କ୍ଲବର ସମ୍ପାଦକ ସିପୁନ ପ୍ରଧାନ ଧନ୍ୟବାଦ ଅର୍ପଣ କରିଥିଲେ । ପ୍ରତିଯୋଗିତା ଆୟୋଜନରେ କ୍ଲବର ସଦସ୍ୟ ଭୈରବ ସାହୁ, ସୁଦାମ ସାହୁ ଓ ସୁଶାନ୍ତ ପ୍ରଧାନଙ୍କ ସମେତ କ୍ଲବର ସମସ୍ତ ସଦସ୍ୟ ସକ୍ରୀୟ ସହଯୋଗ କରିଥିଲେ ।
