ଦାରିଙ୍ଗବାଡି,୧୨/୧୨: କନ୍ଧମାଳ ଜିଲା ଦାରିଙ୍ଗବାଡ଼ି ବଜାର ମୁଖ୍ୟ ରାସ୍ତା ଡବେରୀ ନିକଟ ବରଧାଡ଼ିରେ ଦୁଇଟି ମଟର ସାଇକେଲ ସନ୍ଧ୍ୟା ସମୟରେ ଦୁର୍ଘଟଣା ଘଟି ୪ ଜଣ ଆହତ ହୋଇଛନ୍ତି । ଆହତ ମାନେ ହେଲେ ବଡିପଦର ଗ୍ରାମର ସୀମାଞ୍ଚଳ ପ୍ରଧାନ(୨୨) ଓ ଗ୍ରେଆଡ଼ି ଗ୍ରାମର ଲୋକନାଥ ପ୍ରଧାନ(୪୦) ସେହିପରି ଭ୍ରମରବାଡ଼ି ପଞ୍ଚାୟତ ଅନ୍ତର୍ଗତ ବୁଡାନପିପାଲିରେ ରହୁଥିବା ଚକାପାଦର ଅଜୟ ପ୍ରଧାନ ଓ ନୟାଗଡ଼ର ମୁନା କହଁର ଅଟନ୍ତି । ସୂଚନା ସୀମାଞ୍ଚଳ ଓ ଲୋକନାଥ ରାଜ ମିସ୍ତ୍ରୀ କାମକରି ମଟର ସାଇକେଲରେ ଦାରିଙ୍ଗବାଡ଼ି ଫେରୁ ଥିଲେ । ଏହି ସମୟରେ ଅଜୟ ଓ ମୁନା ବୁଡାନପିପାଲି ଗ୍ରାମରୁ ମଟର ସାଇକେଲରେ ଦାରିଙ୍ଗବାଡ଼ି ଆସୁଥିଲେ । ଦ୍ରୁତ ଗତିରେ ଆସି ଅଜୟ ଓ ମୁନାର ମଟର ସାଇକେଲ ଭାରସମ୍ୟ ହରାଇ ସୀମାଞ୍ଚଳ ଓ ଲୋକନାଥର ମଟର ସାଇକେଲକୁ ପଛ ପଟେ ଧକା ଦେବାରୁ ଦୁଇଟି ମଟର ସାଇକେଲ ବରଧାଡ଼ିରେ ରାସ୍ତା ଉପରେ ପଡ଼ି ଚାରିଜଣ ଗୁରୁତର ଆହତ ହୋଇ ଥିଲେ । ସେଠାରୁ ଅନ୍ୟ ମାନେ ଦାରିଙ୍ଗବାଡ଼ି ଥାନାକୁ ଖବର ଦେବା ସହ ଚାରିଜଣଙ୍କୁ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ଚିକିତ୍ସା କରିଥିଲେ । ଘଟଣା ସ୍ଥଳରେ ଦାରିଙ୍ଗବାଡ଼ି ସେକଣ୍ଡ ଅଫିସର ଏସ ଆଇ ଜିତେନ୍ଦ୍ର କୁମାର ବେହେରା ପହଞ୍ଚି ମଟର ସାଇକେଲ ଜବତ କରିବା ସହ ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚି ଆହତଙ୍କ ଚିକିତ୍ସା ନେଇ ବୁଝିଥିଲେ।
