ଫୁଲବାଣୀ : କନ୍ଧମାଳ ଜିଲ୍ଲା ଟିକାବାଲି ଏ. ଏମ. ସି. ଏସ ମହାବିଦ୍ୟାଳୟ ରେ ଅଧ୍ୟକ୍ଷ ଦୀନବନ୍ଧୁ ମହାନ୍ତିଙ୍କ ସଭାପତିତ୍ୱରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି, ମୁଖ୍ୟ ଅତିଥିଭାବେ ଟିକାବାଲି ପଂଚାୟତ ସମିତି ଅଧ୍ୟକ୍ଷ ଦିଲ୍ଲୀପ କଂହର ଯୋଗ ଦେଇ ନୂଆ ଓଡିଶା, ନବୀନ ଓଡିଶାର ସ୍ବପ୍ନକୁ ସମସ୍ତେ ସାକାର କରିବା ବୋଲି ଆହ୍ୱାନ ଦେଇଥିଲେ l ସମ୍ମାନିତ ଅତିଥିଭାବେ ଟିକାବାଲି ଥାନା ସବିନସିପେକ୍ଟର ସଞ୍ଜୟ କୁମାର ସ୍ୱାଇଁ, ସମିତି ସଭ୍ୟ ମନୋଜ ଦଳବେହେରା, ଅଧ୍ୟାପକ ବିଷ୍ଣୁପ୍ରସାଦ ରଥ, ଅମୂଲ୍ୟ ସାବତ ଯୋଗ ଦେଇଥିଲେ l ନୋଡାଲ ଅଫିସର ଅଧ୍ୟାପକ ରତନ ଦିଗାଲ, ଜ୍ଞାନ ରଞ୍ଜନ ଭୋଇ କାର୍ଯ୍ୟକ୍ରମ ପରିଚାଳନା କରିଥିଲେ l ଛାତ୍ରଛାତ୍ରୀ ଦଳଗତ,ଓ ଏକକ ନୃତ୍ୟ ପରିବେଷଣ କରିବାସଙ୍ଗେ ସଙ୍ଗେ ସୁନ୍ଦରୀ ପ୍ରତିଯୋଗିତା ହୋଇଥିଲା, ଅଧ୍ୟାପକ ଗିଦ୍ୟାନ ଦିଗାଲ ଓ ସୁମନ ସାହୁ ସଂଯୋଜନା କରିଥିଲେ l ବିଚାରକ ଭାବେ ଅଧ୍ୟାପକ ବିକାଶ ମୁଖି, ଅଧ୍ୟାପିକା ନିବେଦିତା ଭୋଇ, ସଂଘମିତ୍ରା ଦାସ, ସ୍ମିତାରାଣୀ ସାହୁ, ମୀରାମ୍ବିକା କାର୍ଯ୍ୟ କରିଥିଲେ l ଛାତ୍ର ରୁଦ୍ର, ସୋମନାଥ,ଅଶ୍ୱିନୀ, ଛାତ୍ରୀ ଜ୍ୟୋତି, ଅଞ୍ଜଳିଙ୍କ ସମେତ କଲେଜର ସମସ୍ତ ଅଧ୍ୟାପିକା, ଅଧ୍ୟାପକ କର୍ମଚାରୀ ସହଯୋଗ କରିଥିଲେ l
