ଦାରିଙ୍ଗବାଡ଼ି,୨୭/୪ : ଦାରିଙ୍ଗବାଡ଼ି ନିଖିଳ ଉତ୍କଳ ପ୍ରାଥମିକ ଶିକ୍ଷକ ସଂଘ ପକ୍ଷରୁ ଅବସରକାଳୀନ ସମ୍ବର୍ଦ୍ଧନା ସଭା ରାପଡ଼ାବାଡ଼ି ବିଦ୍ୟାଳୟରେ ଅନୁଷ୍ଠିତ ହୋଇଯାଇଛି । ଗୋଷ୍ଠୀ ଶିକ୍ଷା ଅଧିକାରୀ କାର୍ଯ୍ୟାଳୟରେ କାର୍ଯ୍ୟରତ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ସୁବାସିନି ଦିଗାଲ ଅବସର ନେଇଥିଲେ । ତାଙ୍କୁ ବିଦାୟ ସମ୍ବର୍ଦ୍ଧନା ଜଣାଇବା ପାଇଁ ନିଖିଳ ଉତ୍କଳ ଶିକ୍ଷକ ସଂଘ ପକ୍ଷରୁ ଅବସରକାଳୀନ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା । ନିଖିଳ ଉତ୍କଳ ପ୍ରାଥମିକ ଶିକ୍ଷକ ସଂଘ ସଭାପତି ଜାମିନୀକାନ୍ତ ପଡ୍ରା ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ଗୋଷ୍ଠୀ ଶିକ୍ଷା ଅଧିକାରୀ ରସାନନ୍ଦ କର ,ସମ୍ମାନୀତ ଅତିଥି ଭାବେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଉପେନ୍ଦ୍ର ଉତ୍ତର କବାଟ, ଗୋଷ୍ଠୀ ଶିକ୍ଷା ଅଧିକାରୀ କାର୍ଯ୍ୟାଳୟ କାର୍ଯ୍ୟନିର୍ବାହୀ ଅଧିକାରୀ ଅଶୋକ କୁମାର ସାହୁ, ଉପ ସଭାନେତ୍ରୀ ଚାରୁସିଳା ମଲିକ ଓ ଅବସର ନେଇଥିବା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ସୁବାସିନି ଦିଗାଲ ଉପସ୍ଥିତ ଥିଲେ ।
କାର୍ଯ୍ୟକ୍ରମକୁ ଶିକ୍ଷକ ସଂଘ ସଂପାଦକ ସଂଗ୍ରାମ କୁମାର ନାୟକ ସଂଯୋଜନା କରିଥିଲେ । ଅତିଥି ଓ ଶିକ୍ଷକ ମାନେ ତାଙ୍କ ବକ୍ତବ୍ୟରେ ଅବସର ନେଇଥିବା ସୁବାସିନି ଦିଗାଲଙ୍କ କାର୍ଯ୍ୟ ଦକ୍ଷତା, କାର୍ଯ୍ୟ କରିବାର ତରିକା ଓ ମା ଭଳି ସ୍ନେହ ବୋଳା କଥାକୁ ମନେପକାଇ ପ୍ରଶଂସା କରିବା ସହ ଏକ ମାନପତ୍ର ସହିତ ଉପହାର ମୁଖ୍ୟ ଅତିଥି ଦ୍ୱାରା ପ୍ରଦାନ କରାଯାଇଥିଲା । କାର୍ଯ୍ୟକ୍ରମରେ ଶିକ୍ଷୟିତ୍ରୀ ସ୍ବାଗତିକା ଦିଗାଲ ଧନ୍ୟବାଦ ଦେଇଥିଲା ବେଳେ ରମାକାନ୍ତ ବଳିଆରସିଂ, ସୁଶୀଲ କୁମାର ନାୟକ, ବିଧୁଭୂଷଣ ନାୟକ, କୈଳାଶ ପାଣିଗ୍ରାହୀ, କୌସିକ କୁମାର ନାୟକ, ନବୀନ କୁମାର ସାହୁ ,ରମାକାନ୍ତ ଦିଗାଲ, ମୋହନ ସାହୁ, ହରିଶଙ୍କର ପ୍ରଧାନ, କହିନ ପ୍ରଧାନ, ବନ୍ଧୁରାଜ ଉଠାଣସିଂ ,କିରଣ କୁମାର ସାହୁ ପ୍ରମୁଖଙ୍କ ନେତୃତ୍ବରେ ପରିଚାଳିତ ହୋଇଥିଲା ।
