ଦାରିଙ୍ଗବାଡ଼ି,୧୮/୪ : ଦାରିଙ୍ଗବାଡ଼ି ବିଲିଭର୍ସ୍ ଚର୍ଚ୍ଚର ଦୁଇ ଦିନିଆ ବାର୍ଷିକ ଉଦ୍ଦିପନା ସଭା ପାଙ୍ଗାରାହା ମଣ୍ଡଳୀ ଠାରେ ଶୁଭ ଉଦଘାଟନ ହୋଇଛି । ଏହାକୁ ବକ୍ତା ଭାବେ ପୂର୍ବ ଭାରତ ବିଲିଭର୍ସ୍ ଚର୍ଚ୍ଚର ଆର୍ଚ୍ଚ ବିଶପ ରେଭ.ଯୋଶୁଆ ମୋର୍ ବର୍ଣ୍ଣବାସ ,ଅତିଥି ଭାବରେ ଜିଲ୍ଲା ପରିଷଦ ସଦସ୍ୟ ରଞ୍ଜନ କୁମାର ପ୍ରଧାନ, ସରପଞ୍ଚ ଗଙ୍ଗାଧର ପ୍ରଧାନ, ପ୍ରେସ କ୍ଳବ ସଭାପତି ପ୍ରେମଚାନ୍ଦ ସିଂ, ଜି.ଉଦେଗିରି ଡାଇସିୟସ ଭିକାର ଜେନେରାଲ ଯାଜକ ଯାସନ କର, ଭୁବନେଶ୍ୱର ଡାଇସିୟସ ଭିକାର ଜେନେରାଲ ଯାଜକ ହିମାଂଶୁ ନାୟକ, ବଲାଙ୍ଗିର ଡାଇସିୟସ ଭିକାର ଜେନେରାଲ ଯାଜକ ଗକୁଲ ଛାତ୍ରୀୟା ଯୋଗଦେଇ ଉଦ୍ଦିପନା ସଭାକୁ ପ୍ରଦୀପ ପ୍ରଜ୍ଜ୍ଵଳନ କରି ଉଦଘାଟନ କରିଥିଲେ । ଦାରିଙ୍ଗବାଡ଼ି ଜିଲ୍ଲା ଚର୍ଚ୍ଚ ଅଧ୍ୟକ୍ଷ ଯାଜକ ସୁଧୀର ପରିଛା ଅତିଥି ପରିଚୟ ପ୍ରଦାନ ଓ ସ୍ୱାଗତ କରିଥିଲା ବେଳେ , ଜି.ଉଦୟଗିରି ଜିଲ୍ଲା ଚର୍ଚ୍ଚ ଅଧ୍ୟକ୍ଷ ଯାଜକ ଲିବିୟ ରହିତ ତାଙ୍କୁ ସହଯୋଗ କରିଥିଲେ। କାର୍ଯ୍ୟକ୍ରମକୁ ପାଙ୍ଗାରାହା ଚର୍ଚ୍ଚ ଯାଜକ ଶିବ ପ୍ରଧାନ ସଂଯୋଜନା କରିଥିଲେ । ଦୁଇ ଦିନ ଧରି ପ୍ରଭୁ ଯୀଶୁଖ୍ରୀଷ୍ଟଙ୍କ ପ୍ରେମ, ଦୟା ଓ କ୍ଷମାର ବାଣୀ ପ୍ରଚାର କରି ଅନ୍ୟକୁ ସେହିଭଳି ବ୍ୟବହାର କରି ଆଧ୍ୟାତ୍ମିକ ଜୀବନ ଯାପନ କରିବା ପାଇଁ ଆହ୍ୱାନ ଜଣାଇବାର କାର୍ଯ୍ୟକ୍ରମ ରହିଥିବା ଆବାହକ ପ୍ରଫୁଲ ପ୍ରଧାନ ସୂଚନା ଦେଇଛନ୍ତି । କାର୍ଯ୍ୟକ୍ରମକୁ ଅମୀର ପ୍ରଧାନ, ସୋଲମାନ ପ୍ରଧାନ, ଅମରେନ୍ଦ୍ର ଦିଗାଲଙ୍କ ନେତୃତ୍ୱରେ ପାଙ୍ଗାରାହା ମଣ୍ଡଳୀର କର୍ମକର୍ତ୍ତାଙ୍କ ସହଯୋଗରେ ପରିଚାଳିତ ହେଉଅଛି ।
