ଦାରିଙ୍ଗବାଡି,୧୩/୩ : ଦାରିଙ୍ଗବାଡି ବ୍ଲକ ସୀମନବାଡ଼ି ଗ୍ରାମର ଅବସରପ୍ରାପ୍ତ ପ୍ରଧାନ ଶିକ୍ଷକ ସୁକଦେବ ପ୍ରଧାନ ପାଇଲେ ଶିକ୍ଷକ ଗୌରବ ସମ୍ମାନ -୨୦୨୩ । ଭୁବନେଶ୍ୱର ସ୍ଥିତ ବିଜୁ ଶିକ୍ଷକ କର୍ମଚାରୀ କଲ୍ୟାଣ ସମିତି ପକ୍ଷରୁ ଏହି ସମ୍ମାନ ପ୍ରଦାନ କରାଯାଇଛି । ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜନ୍ମ ଜୟନ୍ତୀ ଅବସରରେ ରବିବାର ଦିନ ଭୁବନେଶ୍ଵର ସ୍ଥିତ ଲୋହିୟା ଏକାଡେମୀ ଠାରେ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ ମୁଖ୍ୟ ଅତିଥି ଭାବେ ଯୋଗ ଦେଇ ଏହି ସମ୍ମାନ ପ୍ରଦାନ କରିଥଲେ । ସମ୍ମାନ ପ୍ରଦାନ କରିବା ସମୟରେ ସମିତିର ସଭାପତି ଶିବ ପ୍ରସାଦ ସ୍ୱାଇଁ, ମହାସଚିବ ଉମାକାନ୍ତ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।
