ଦାରିଙ୍ଗବାଡ଼ି, ୦୯/୦୩ : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଳକ ଥାନା ଅଞ୍ଚଳରେ ଆଜି ଅଭାବନୀୟ ଘଟଣା ଘଟିଛି । ଉକ୍ତ ବ୍ଳକ ଅନ୍ତର୍ଗତ ବୁଡାନପିପାଲି ଗ୍ରାମର ଜୟନ୍ତ ପ୍ରଧାନ(ଶିକ୍ଷକ) ଗ୍ରାମରୁ ରାଣିପାଙ୍ଗା ପ୍ରାଥମିକ ବିଦ୍ୟାଳୟକୁ ଆଠ ବର୍ଷ ପୁଅଙ୍କୁ ଧରି ମଟର ସାଇକେଲରେ ବିଦ୍ୟାଳୟକୁ ଯିବାବାଟରେ ନିଜ ଗ୍ରାମର ଯୁବକ ଇମାନୁଏଲ ପ୍ରଧାନ ବାଇକରେ ଲୀଫ୍ଟ ମାଗି ବସିଥିଲେ। ପର୍ତ୍ତମାହା ଗ୍ରାମ ପଂଚାୟତର କଟାବାଡ଼ି ଗ୍ରାମ ନିକଟ ଟାକରାବାଡ଼ି ଶଙ୍ଖ ନିକଟ ନିଛାଟିଆ ରାସ୍ତାରେ ଇମାନୁଏଲ ପରିଶ୍ରା କରିବି କହି, ମଟର ସାଇକେଲ ରଖିବାକୁ କହିଥିଲା ।
ଶିକ୍ଷକ ଜୟନ୍ତ ଗାଡ଼ି ରଖିବା ସଙ୍ଗେ ସଙ୍ଗେ ବେକରେ ଛୁରା ଭୂଷି ମାରିଦେବାକୁ ଉଦ୍ୟମ କରିଥିଲା । ଦୁହିଁଙ୍କ ମଧ୍ୟରେ ଧସ୍ତାଧସ୍ତି ହେବା ସହ ରକ୍ତାତ ହୋଇ ଜୟନ୍ତ ବଞ୍ଚିବା ନେଇଁ ପଳାଇ ଯିବାକୁ ପ୍ରୟାସ କରିଥିଲା, ସେହି ସମୟରେ ଶିକ୍ଷକ ଜୟନ୍ତଙ୍କୁ ଶଙ୍ଖ ତଳକୁ ଠେଲି ଦେଇ ଥିଲା। ପୁଣି ଶଙ୍ଖ ତଳକୁ ଯାଇ ଶିକ୍ଷକକୁ ମାରିଦେବାକୁ ପ୍ରୟାସ ଜାରୀ ରଖିଥିଲା। ହଳଦୀ କାମ କରୁଥିବା ଲୋକ ଚିତ୍କାର ଶୁଣି ଘଟଣା ସ୍ଥଳରେ ପହଞ୍ଚି ଶିକ୍ଷକ ଜୟନ୍ତକୁ ଗୁରୁତ୍ୱର ଅବସ୍ଥାରେ ଉଦ୍ଧାର କରିବା ସହିତ ଆକ୍ରମଣ କାରୀ ଯୁବକକୁ କାବୁ କରି ବାନ୍ଧି ରଖି ପୋଲିସଙ୍କୁ ଖବର କରିବା ସହିତ ଜୟନ୍ତକୁ କିଛି ଲୋକ ଦାରିଙ୍ଗବାଡ଼ି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଜୟନ୍ତ ଗୁରୁତର ଥିବାରୁ ବ୍ରହ୍ମପୁର ବଡ଼ ମେଡିକାଲକୁ ରେଫର କରାଯାଇଛି । ଦାରିଙ୍ଗବାଡ଼ି ଥାନା ପୋଲିସ ଆକ୍ରମଣ କାରିଙ୍କୁ ଲୋକଙ୍କ ଠାରୁ ଜବତ କରି ଥାନାରେ ଅଟକ ରଖି ପଚରାଉଚରା କରୁଥିବା ଜଣାପଡ଼ିଛି । ଶିକ୍ଷକ ଅଳ୍ପକେ ମୃତ୍ୟୁରୁ ରକ୍ଷା ପାଇଲା ବୋଲି ସର୍ଵ ସାଧାରଣରେ ଆଲୋଚନା ହେଉଛି।
