ଚିତ୍ରକୋଣ୍ଡା : ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ଅନ୍ତର୍ଭୁକ୍ତ ସ୍ଥାନୀୟ ଚିତ୍ରକୋଣ୍ଡା ସ୍ଥିତ ଡ଼ିଏଭି ଗୁରୁକୁଲ ଏବଂ ଗୁଡ଼ ମର୍ନିଙ୍ଗ ପ୍ଲେ ସ୍କୁଲ ମିଳିତ ଆନୁକୂଲ୍ୟରେ ବାର୍ଷିକ କ୍ରୀଡ଼ା ଉତ୍ସବ ଅନୁଷ୍ଠିତ ହୋଇ ଯାଇଛି l ଉଭୟ ଦ୍ୱୟ ବିଦ୍ୟାଳୟ ର ଅଧ୍ୟକ୍ଷା ରାଜଲଷ୍ମୀ ଦାଶ ଙ୍କ ନେତୃତ୍ୱରେ ସମସ୍ତ ମିସ ମାନଙ୍କ ସହଯୋଗରେ ବିଦ୍ୟାଳୟ ନିକଟସ୍ଥ ଲାଲ ବାହାଦୁର ଶାସ୍ତ୍ରୀ ଏଣ୍ଡ ସ୍ପୋର୍ଟ୍ସ କ୍ଲବ ର ଖେଳ ପଡ଼ିଆ ପରିସରରେ ସମସ୍ତ ଛାତ୍ର ଛାତ୍ରୀ ମାନଙ୍କୁ ନେଇ ବାର୍ଷିକ କ୍ରୀଡ଼ା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ପ୍ରତିଯୋଗିତା ମଧ୍ୟରେ ଦୌଡ଼ ପ୍ରତିଯୋଗିତା, ଖୋ ଖୋ, ଲଙ୍ଗ ଜମ୍ପ, ହାଇ ଜମ୍ପ ଭଳି ବହୁ ଖେଳ ପ୍ରତିଯୋଗିତା କରାଯାଇଥିଲା l କ୍ରୀଡ଼ା ମାଧ୍ୟମରେ ଶିଶୁ ମାନଙ୍କର ଶାରୀରିକ, ମାନସିକ ତଥା ବୌଦ୍ଧିକ ର ବିକାଶ ହୋଇ ପାରିବ, ଆଜିର ଶିଶୁ ଆଗାମୀ ଦିନର ଉତ୍ତମ ନାଗରିକ ହୋଇ କ୍ରୀଡ଼ା କ୍ଷେତ୍ରରେ ସୁନାମ ଅର୍ଜନ କରିପାରିବେ l ଉତୀର୍ଣ୍ଣ ପ୍ରତିଯୋଗୀ ଛାତ୍ର ଛାତ୍ରୀ ମାନଙ୍କୁ ବିଦ୍ୟାଳୟ ବାର୍ଷିକ ଉତ୍ସବ ଅବସରରେ ପୁରୋସ୍କୃତ କରାଯିବ ବୋଲି ବିଦ୍ୟାଳୟ ତରଫରୁ ସୂଚନା ମିଳିଛି l
