ପାରଳାଖେମୁଣ୍ଡି : ଗଜପତି ଜିଲା ପାରଳାଖେମୁଣ୍ଡି ଷ୍ଟାଡିୟମରେ ୩ ଦିନ ଧରି ଚାଲିଥିବା ଜିଲାସ୍ତରୀୟ କୃଷି ଯନ୍ତ୍ରପାତି ମେଳା ସୋମବାର ଉଦ୍ଯାପିତ ହୋଇଛି। ଉଦ୍ଯାପନୀରେ ବ୍ରହ୍ମପୁର ଏମ୍ପି ଚନ୍ଦ୍ରଶେଖର ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଏହି ମେଳାର ଆବଶ୍ୟକତା ଓ କୃଷକଙ୍କୁ ରିହାତି ଦରରେ ମିଳୁଥିବା ବିଭନ୍ନ କୃଷି ଯନ୍ତ୍ରପାତି ସମ୍ପର୍କରେ ଚାଷୀଙ୍କୁ ସଚେତନ କରିଥିଲେ। ମେଳାରେ ୫୦ଟି ଷ୍ଟଲ ଖୋଲାଯାଇଥିଲା। ପ୍ରତ୍ୟେକ ସାରେ ପ୍ରଶାସନ ପକ୍ଷରୁ ବିଭନ୍ନ ରଙ୍ଗାରଙ୍ଗ କାର୍ଯ୍ୟକ୍ରମ କରାଯାଇଥିଲା । ମେଳାରେ ୩ ଦିନରେ ପ୍ରାୟ ୮୦ ଲକ୍ଷ ଟଙ୍କାର ବ୍ୟବସାୟ ହୋଇଥିବା ଜିଲା କୃଷି ଅଧିକାରୀ କୈଳାସ ଚନ୍ଦ୍ର ବେହେରା ସୂଚନା ଦେଇଛନ୍ତି । ଏଭଳି କାର୍ଯ୍ୟକ୍ରମ ବ୍ଲକ, ପଞ୍ଚାୟତ ଓ ଗ୍ରାମାଞ୍ଚଳରେ ହେବା ଆବଶ୍ୟକ ବୋଲି ଏମ୍ପି ସାହୁ କହିଥିଲେ। ଏହାଦ୍ୱାରା ଚାଷ ପ୍ରତି ଯେଉଁମାନେ ବିମୁଖ ହେଉଛନ୍ତି ସେମାନେ ପୁଣି କୃଷି ପ୍ରତି ଆଗ୍ରହ ରଖିବେ ଓ ନୂତନ ଯନ୍ତ୍ରପାତି ସାହାଯ୍ୟରେ ସୁବିଧାରେ ଅଧିକ ଉତ୍ପାଦନ କରିପାରିବେ ବୋଲି ମତ ରଖିଥିଲେ।
