ଭୁବନେଶ୍ବର : ଉତ୍କଳ ବିଶ୍ୱବଦ୍ୟାଳୟର ,ବିଜୁ ପଟ୍ଟନାୟକ ବହୁମୁଖୀ କ୍ରୀଡାଙ୍ଗନ ଠାରେ ବିଶ୍ଵବିଦ୍ୟାଳୟ ରେ କାର୍ଯରତ ଶିକ୍ଷକ ଏବଂ କର୍ମଚାରୀଙ୍କ ମଧ୍ୟ ରେ ଏକ ବନ୍ଧୁତ୍ବପର୍ଣ୍ଣ କ୍ରିକେଟ ମ୍ୟାଚ୍ ଅନୁଷ୍ଠିତ ହୋଇଯାଇଛି। ଶିକ୍ଷକ ମାନେ ସ୍ନାତକୋତ୍ତର ପରିଷଦ ର ଅଧ୍ୟକ୍ଷ ଙ୍କ ତରଫ ରୁ ଖେଳୁଥିବା ବେଳେ, ବିଶ୍ଵବିଦ୍ୟାଳୟ ର କର୍ମଚାରୀ ମାନେ କୁଳପତି ଙ୍କ ତରଫ ରୁ ପଡିଆ କୁ ଓହ୍ଲାଇଥିଲେ । ପନ୍ଦର ଓଭର୍ ର ଏହି ମ୍ୟାଚ୍ ରେ ଇମ୍ମତିୟାଜ ଅଲ୍ଲୀ ଙ୍କ ନେତୃତ୍ଵାଧୀନ କୁଳପତି ଏକାଦଶ ୧୭୩ ରନ୍ ର ବିଶାଳ ସ୍କୋର କରିଥିବା ବେଳେ କୀର୍ତ୍ତି ମଲ୍ଲିକ ଙ୍କ ନେତୃତ୍ଵାଧୀନ ଚେୟାରମ୍ୟାନ ଏକାଦଶ ୧୩୪ ରନ କରିଥିଲେ । ଉକ୍ତ ମ୍ୟାଚ୍ ରେ ବିଶ୍ଵବିଦ୍ୟାଳୟ ର କୁଳପତି ପ୍ରଫେସର ସବିତା ଆଚାର୍ଯ୍ୟ,କୁଳସଚିବ ଡଃ ଅଭୟ ନାୟକ, ବିତ୍ତ ନିୟନ୍ତ୍ରକ ଶ୍ରୀ ଗୌତମ ପ୍ରଧାନ, ବଜେଟ ଅଫିସର ସତ୍ୟପ୍ରୀୟା ମାରାଣ୍ଡି ପ୍ରମୁଖ କର୍ମକର୍ତ୍ତା ମାନଙ୍କ ଉତ୍ସାହିତ କରିଥିବା ବେଳେ ସ୍ନାତୋତ୍ତର ପରିଷଦ ର ଅଧ୍ୟକ୍ଷ ପ୍ରଫେସର ଦୁର୍ଗାଶଙ୍କର ପଟ୍ଟନାୟକ, ପ୍ରଫେସର କବିରମୋହନ ସେଠୀ, ପ୍ରଫେସର ନିଗମାନନ୍ଦ ଦାସ ଓ ଅନ୍ୟ ଶିକ୍ଷକ ମାନେ ଉପସ୍ଥିତ ରହି ନିଜ ଦଳ ର ଖେଳାଳି ମାନଙ୍କ ଉତ୍ସାହ ବଢ଼ାଇଥିଲେ। ଖେଳ ଉଦଯାପନୀ ବେଳେ କୁଳପତି ଦୁଇ ଦଳ ର ଖେଳାଳି ଙ୍କ ଖେଲୁଆଡ ମନଭାବ ପାଇଁ ସମସ୍ତଙ୍କୁ ସାଧୁବାଦ ଜଣାଇଥିଲେ। ପରିଶେଷରେ, ଧନ୍ୟବାଦ ଭାଷଣ ରେ ପିଜି ଆଥଲେଟିକ କ୍ଲବ ର ଉପାଧ୍ୟକ ,ଡଃ କୀର୍ତ୍ତି ରଞ୍ଜନ ମଲ୍ଲିକ , କ୍ରୀଡା ସୁପରିଚାଳନା ପାଇଁ କ୍ରୀଡା ପରିଷଦ ର ନିର୍ଦେଶକ ପ୍ରଫେସର ଏସ .ଏସ ଦେବାଶିଷ , ଶକ୍ତି ସେନାପତି ଏବଂ ପଡିଆ ରେ ଉପସ୍ଥିତ ସମସ୍ତ ଛାତ୍ରଛାତ୍ରୀ, ଶିକ୍ଷକ, କର୍ମଚାରୀ ଙ୍କ ବହୁଳ ମାତ୍ରା ରେ ଉପସ୍ଥିତି ପାଇଁ ସମସ୍ତ ଙ୍କୁ ଧନ୍ୟବାଦ ଜଣାଇଥିଲେ ।
