ଫିରିଙ୍ଗିଆ : କନ୍ଧମାଳ ଜିଲ୍ଲା ଫିରିଙ୍ଗିଆ ପ୍ରେସ୍ କ୍ଲବର କର୍ମ କର୍ତ୍ତା ଚୟନ ପ୍ରକିୟା ଅନୁଷ୍ଠିତ ହୋଇଯାଇଛି । ତଣ୍ଡିରି ଗାଁ ଘାଇ ରେ ଅନୁଷ୍ଠିତ ବନ୍ଧୁ ମିଳନ ଓ କର୍ମ କର୍ତ୍ତା ଚୟନ ରେ ଉପଦେଷ୍ଟା ତଥା ବରିଷ୍ଠ ସାମ୍ବାଦିକ ମହାଦେବ ସାହୁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ସାମ୍ବାଦିକ ଶରତ ମିଶ୍ର ଓ ବ୍ଲକ ରେ କାର୍ଯ୍ୟରତ ସମସ୍ତ ସାମ୍ବାଦିକ ଉପସ୍ଥିତ ଥିଲେ । ସାମ୍ବାଦିକ ଙ୍କ ବିଭିନ୍ନ ସମସ୍ୟା ଉପରେ ବରିଷ୍ଠ ସାମ୍ବାଦିକ ମହାଦେବ ସାହୁ ଓ ଶରତ ମିଶ୍ର ଆଲୋକପାତ କରିଥିଲେ । ବୈଠକ ଶେଷରେ ଫିରିଙ୍ଗିଆ ପ୍ରେସ୍ କ୍ଲବର କର୍ମ କର୍ତ୍ତା ଚୟନ ପ୍ରକିୟା ଅନୁଷ୍ଠିତ ହୋଇଥିଲା । ଫିରିଙ୍ଗିଆ ପ୍ରେସ କ୍ଲବ ସଭାପତି ଭାବରେ ଉତ୍ତମ ଖମାରୀ ମନୋନୀତ ହୋଇଥିବା ବେଳେ ସମ୍ପାଦକ ଲାଲମୋହନ କହଁର ମନୋନୀତ ହୋଇଥିଲେ । ସୁବ୍ରତ କୁମାର ମହାନ୍ତି କୋଷାଧ୍ୟକ୍ଷ,ଉପ ସଭାପତି ଶୁଶାନ୍ତ ଦିଗାଲ,ସହ ସମ୍ପାଦକ ହେମନ୍ତ ନାୟକଙ୍କୁ ମନୋନୀତ କରାଯାଇଥିଲା । ପୂର୍ବପରି ବରିଷ୍ଠ ସାମ୍ବାଦିକ ମହାଦେବ ସାହୁ ଓ ଶରତ ମିଶ୍ର ଉପଦେଷ୍ଟା ରହିଥିବା ବେଳେ ଅନ୍ୟ ମାନଙ୍କ ମଧ୍ୟରେ ମନୋଜ କୁମାର ସାହୁ, ବିକ୍ରମ ଦିଗାଲ,ହୃରଞନ ସେଠୀ, ସଞ୍ଜୟ କୁମାର ସାହୁ,ବିକ୍ରମ ଦିଗାଲ, ରାଜେଶ ଦିଗାଲ ଉପସ୍ଥିତ ଥିଲେ ।
