ବୁଗୁଡ଼ା : ତା ୦୮/୦୧/୨୩ : ସ୍ତ୍ରୀର ଅଶ୍ଳୀଳ ଫୋଟ ସୋସିଆଲ ମିଡିଆରେ ପୋଷ୍ଟ କରିବା ସହ ଯୌତୁକ ନିର୍ଯ୍ୟାତନା ଅଭିଯୋଗରେ ସ୍ୱାମୀକୁ ଗିରଫ କରିଛି ବୁଗୁଡ଼ା ପୋଲିସ l ଗିରଫ ଅଭିଯୁକ୍ତ ହେଲେ ବୁଗୁଡ଼ା ଥାନା ମାଣିତରା ପଞ୍ଚାୟତ ଅନ୍ତର୍ଗତ ମଙ୍ଗରାଜପୁର ଡାଙ୍ଗିସାହିର ରାଜେନ୍ଦ୍ର ପ୍ରଧାନ ଓରଫ ମୁନା (୩୦) l ରାଜେନ୍ଦ୍ର ଗତ ବର୍ଷ ଫେବୃଆରୀ ୧୧ ତାରିଖରେ କରଚୁଲି ପଞ୍ଚାୟତ ଅନ୍ତର୍ଗତ ଜେକ ଗ୍ରାମର ଗୀତାଞ୍ଜଳିଙ୍କୁ ବିବାହ କରିଥିଲେ l ବାହାଘର ପରଠୁଁ ସ୍ତ୍ରୀର ଚରିତ୍ରକୁ ସନ୍ଧେହ କରିବାରେ ଉଭୟଙ୍କ ମଧ୍ୟରେ ମନୋମାଳିନ୍ୟ ଲାଗି ରହିଥିଲା l ତେବେ ସ୍ତ୍ରୀର ଅଶ୍ଳୀଳ ଫଟୋ ସୋସିଆଲ ମିଡ଼ିଆରେ ଛାଡିବା ଏବଂ ସ୍ୱାମୀ ଯୌତୁକ ନିର୍ଯ୍ୟାତନା ଦେବା ଭଳି ଅଭିଯୋଗ ଆଣି ଗତ ୫ ତାରିଖରେ ଗୀତାଞ୍ଜଳି ପୋଲିସର ଦ୍ୱାରସ୍ଥ ହେବା ପରେ ମହିଳା ଏସଆଇ ଶର୍ମିଷ୍ଠା ପ୍ରଧାନ କେସ ନଂ ୧୩/୨୩ ରେ ଏକ ମାମଲା ରୁଜୁ କରି ରାଜେନ୍ଦ୍ରଙ୍କୁ କୋର୍ଟ ଚାଲାଣ କରିବା ସହ ପୋଲିସ ଉପସ୍ଥିତିରେ ଗୀତାଞ୍ଜଳି ଆଣିଥିବା ଯୌତୁକ ସାମଗ୍ରୀ ଫେରାଇ ନେଇଥିବା ଜଣାପଡିଛି l
