ହିଞ୍ଜିଳିକାଟୁ ୧।୧୨ ହିଞ୍ଜିଳିକାଟୁ ଡୁମାଣି ଖବର ପ୍ରତିନିଧି ବସନ୍ତ କୁମାର ପାଢୀଙ୍କ ଅକାଳ ମୃତ୍ୟୁରେ ହିଞ୍ଜିଳିକାଟୁ ପ୍ରେସ୍ କ୍ଳବ୍ ତରଫରୁ ଗଭୀର ଶୋକ ବ୍ୟକ୍ତ କରାଯାଇଛି । ପ୍ରେସ୍ କ୍ଳବ୍ ସଭାପତି ଦ୍ୱୀତୀକୃଷ୍ଣ ପଣ୍ଡା ଙ୍କ ସଭାପତିତ୍ବରେ ଏକ ବୈଠକରେ ସ୍ୱର୍ଗତ ପାଢ଼ୀ ଆତ୍ମାର ସଦଗତି ସକାଶେ ଦୁଇ ମିନିଟ ନୀରବ ପ୍ରାର୍ଥନା କରାଯିବା ସହିତ ଶୋକସନ୍ତପ ପରିବାର ବର୍ଗଙ୍କୁ ଗଭୀର ସମବେଦନା ଜ୍ଞାପନକରାଯାଇଥିଲା । ସ୍ୱର୍ଗତ ପାଢ଼ୀ ବହୁ ବର୍ଷ ହେଲା ଡୁମାଣି ଖବର ଖବରକାଗଜ ପ୍ରତିନିଧି ଭାବେ କାର୍ଯ୍ୟ କରୁଥିଲେ ।ସେ ଅଞ୍ଚଳର ଜଣେ ଜଣାଶୁଣା ଗଣମାଧ୍ୟମ ବ୍ୟକ୍ତି ସହ ବିଦ୍ୟୁତ ବିଭାଗର ଠିକାଦାର ଭାବେ ପରିଚିତ ଥିଲେ । ତାଙ୍କ ମୃତ୍ୟୁରେ ହିଞ୍ଜିଳିକାଟୁ ଗଣମାଧ୍ୟମ ପ୍ରତିନିଧି ମାନଙ୍କ ମଧ୍ୟରେ ଶୋକର ଛାୟା ଖେଳିଯାଇଛି ।
